話說上篇提到有網友唔小心去咗Pxxxxxxt Mexxxxl呢間黑店，其實當下我都覺得佢好慘，今日再講多少少我對呢間黑店嘅睇法啦~
Pxxxxxxt Mexxxxl=必X站 =黑店？
本身都唔想咁公開去講，不過近來真係對Pxxxxxxt Mexxxxl黑店好嬲，嬲咩? 而家就同大家公開Pxxxxxxt Mexxxxl黑店5宗罪！(轉載至Beauty Wikipedia )
Pxxxxxxt Mexxxxl黑店罪行1：呃呃騙騙
之前見到必瘦站(Perfect Medical)廣告 $1888去眼袋, 10次療程, 無效包退
於是上去試下, 點知上去到, 佢話我面部皮膚有D鬆, 就咁1888一定唔得, 托唔起對眼.
然後佢獅子開大口, 整左個10萬蚊既療程比我, 話全臉提升, 整好晒包埋對眼.
我睬佢都傻, 立即起身啦, 之後佢立即改口, 話優惠價6萬蚊比我, 見同我有緣.
我繼續行, 佢再減價5萬.
最後佢減到3萬, 整好晒對眼加面部皮膚收緊.
我於是幫襯.
除左$1888 10次既去眼袋, 另外升級左部eye magic, 話會有效好多, 不開刀眼袋bye bye.
最後我做左大半年, 所有療程都做得8,8,9,9. 效果係零. 一d效都冇, 眼袋依舊.
同佢地理論, 佢地聲稱有改善, 叫我再買療程. 但我照左鏡好多次, 冇一個朋友話我有改善到!
無效包退是假的, 只憧騙你不斷買療程, 升級服務. 買又買了, 升又升了, 結果還是一D效都冇. 她們只會不斷浮誇地話你好左好多
約左3點正, 好多時3點半先有得做, 試過等兩個鐘, 客人D時間唔寶貴?
香港十間美容9間呃人, 做到咁大間, 聲稱上市公司, 原來D錢係咁樣賺
我奉勸大家share出去, 比人知呢間黑店
以前就有客戶逼簽$130萬購療程，最終入稟追賠償
https://hk.on.cc/hk/bkn/cnt/news/20190401/bkn-20190401140926201-0401_00822_001.html
Pxxxxxxt Mexxxxl黑店罪行2：貨不對版
我早排收到優惠,話可免費享用6項選3項療程.前幾日上去, 約7點等到7點半先有得做. 入房啦,個美容師話免費升級做一個唔知乜鬼療程, 用左唔過5分鐘幫你清潔塊面,之後話漏左野出左去超過15分鐘,之後推左部機入黎幫你做左唔過10分鐘既深層清潔,搽左d舒緩液又走左出去超過15分鐘, 塊面乾哂都無人理, 之後再入黎幫你敷mask,敷完又再走左出去,今次勁呀,出左去成30分鐘….個半鐘內個美容師掂我塊面唔過15分鐘呀, 大部分時間係張床呆等,之後除左塊mask幫我搽左d cream就話做完~~~我話乜唔係有3項療程咩?佢話升級左就當用哂3項,乜出面同事無同我講咩?同埋做body係要book機…….你地當d客傻架? 你地個SMS寫明會做邊幾樣,仲話安排好哂治療師,房間,儀器……咁點解要book機呀??? 完全係流水式作業, 又唔夠儀器安排比客做, 瞓起張床度淨係聽到D人行黎行去同推儀器聲, 嘈到爆……之後帶左我入房話要簽名,等左10分鐘都無人入黎, 真係火都黎埋…前後搞左2個半鐘, 完全浪費我既時間, 唔係我發火都唔走得……我做咁多間facial都未試過有咁既情況…….
Pxxxxxxt Mexxxxl黑店罪行3：無依時做booking
我試過等兩個鐘, 明明約好左時間都要我等兩個鐘! 火滾到我!
Pxxxxxxt Mexxxxl黑店罪行4：無效退款係假!?
我係2015年被騙5萬，之後要求退款，雙方都簽好相關退款文件，但我近期打簿才發現，原來$1都未退過俾我，打落門市攞直線電話號碼（82033186）昨天打有人聽,對方話搵record後聯絡我，最後無影，今日再打直線，電話長響無人聽，我都想問可以點搞？
呢個無效退款我聽完都得啖笑，敢問有幾多人真係成功退咗？探子回報佢話就話無效退款，不過退個d 多數都係coupon，即係比你做返佢自己嘅treament，換句話說即係又要中個輪迴，不斷中圈套。
Pxxxxxxt Mexxxxl黑店罪行5：網上洗白自己唔係黑店
我最嬲嘅係佢嘅手法，呃呃騙騙之餘仲可以大條道理咁告人，仲會出動大量打手滲入各大平台去洗白自己，扮係用家真心分享，而最好笑係個D BLOG 多數都係
Pxxxxxxt Mexxxxl VS XXXXXXX(競爭對手) ，然後再評Pxxxxxxt Mexxxxl TREATMENT 係好有效。
大家只要去各大平台SEARCH下就會見到好多呢類所謂BLOGGER，是真是假，其實明眼人就會睇得出係咩事~
而且，佢又會派員去討論區 ，去信版主DEL 相關黑店言論。
Pxxxxxxt Mexxxxl 其實即係必X站，無錯呀佢以前真係好出名，不過出名係黑店。所以佢就不斷改名、不斷用唔同品牌去做生意，大家真係要小心d呀!
至於佢係唔係黑店? 「空穴來風未必無因」，如果一個店真係好就唔會咁多負評啦~ 係咪？
大家想做美容，記得要小心選擇啦~~ 我起呢度唔會有咩推介，因為唔想比人以為我真係打手 XD Anyway，我只係好睇唔錯過眼今時今日仲有人咁做生意呀!