好耐冇出 post 啦 ~~
早前與儍爸去咗日本北海道 ~~
快樂嘅時光過得特別快 ~~
話咁快就 8 日嘅北海道之旅已經完結啦 ~~
等我呢隻蝸牛媽媽慢慢與大家分享我哋嘅北海道之旅 ~~
首先，講吓北海道札幌嘅新千歲空港
早機出發，一落機有啲餓 …
本來想搵間便利店買飯糰食 …
點知在搵 JR 途中 …
在「國內線」航廈就被當地嘅地道美食和特產吸引著 ~~
新千歲機場國內航廈就好似大型百貨公司
呢度好熱鬧，除了遊客仲有好多本地人
基本上北海道特產和手信都可以喺度搵到
好似六花亭、白之戀人、Royce、MUJI、Uniqlo、毛蟹、海膽 …
而未食晏嘅我哋就被美食吸引著 …
有多款用北海道在地食材製作的便當 …
愛吃海鮮的我哋就揀了 …
蟹肉海膽便當 (1,480YEN) + 北海道町村農場的樽裝牛乳 (216 YEN)
在往小樽 JR 上欣賞著北海道風景慢慢嘆 ~~
而在離開札幌回香港的時候，不妨早點去機場食食買買 …
除了北海道著名特產和手信，也有多間餐廳
仲有可泡露天風呂的新千歲空港溫泉 ~~
小朋友也可以到 Hello Kitty Happy Flight Park 玩玩 ~~
Doraemon 粉絲可以到 Doraemon Cafe 進餐 …
和到旁邊的專賣店選購紀念品 …
呢度也有 Royce’ Chocolate World
除了可以選購 Royce’ 朱古力
也可以透過玻璃窗看到生產線的製作朱古力過程
check-in 後也可以繼續買買買 …
而為食的儍媽就在上機前食多支 … CREMIA 牛乳雪糕 (500 yen)
奶香濃郁嘅牛乳雪糕 + 鬆脆嘅白之戀人脆餅製成嘅脆筒
真是超好食，為這個旅程劃上完美句號 ~~
** 以上分享是以我的口味、體質和情況作出分享及感受，一試 / 合用與否請自行決定
** 本網誌內所有文章和圖片均屬本人所有，歡迎參觀。圖文如欲轉載，請先聯絡cheungester@gmail.com ! 如發現未經授權使用，本人將保留一切追究權利 ! 多謝合作 !
歡迎與我聯絡 → cheungester@gmail.com (Ester Cheung)
