香港係2022年尾終於放寬回港措施，大家係咪同我一樣已經忍不住出外飛返轉呢？我早排飛完泰國曼谷，仲留咗兩晚係華欣，兩晚都係打卡一流的resort住，如果揾緊酒店的你可以參考下哦(⁎⁍̴̛ᴗ⁍̴̛⁎)
我係Klook book了車，由機場坐3hr直到酒店。一落車就去了呢個世外桃源的酒店：Sheraton Pranburi Villas，呢間Resort無論咩價位的房間都會有私人泳池，好啱情侶過二人世界、又或者閏密瘋狂打卡之旅。
温馨一提，大家無論Book酒店還是撘車都要小心，華欣有兩間Sheraton酒店，而另一間酒店叫Sheraton Hua Hin Resort & Spa，呢間的私隱度無Pranburi咁正㗎！
係半户外的Lobby check-in途中，職員會遞上有凍冰冰的welcome drink。手續完成後，職員就會先帶我們入房了，行李因為地面不平，會稍後用車仔送到。
步入間房，見到的畫面同網上的相片簡直係一模一樣！木屋仔好寬敞，而且一開房玻璃門就有私人的按摩池及泳池。去旅行除了行街，係間房靜靜地曬下太陽都好relaxing！
木屋仔內係雙洗手盆設計，另外Toilet及落地玻璃的沖涼區是乾濕分離。此外，房間範圍內仲有一個户外的淋浴間。有興趣試下户外沖涼不仿試下(笑)。
其實酒店位於海邊，同時有10幾至20個小攤位賣野食，超建議大家可以係黃昏時間去行下。除了望住海平線、聽住海浪的聲音去睇日落，仲可以買野食返酒店做Dinner。
最後買了兩人份量的晚餐：有原條烤魚、烤太頭蝦、烤魷魚卷、兩份香蕉煎餅、兩袋生果，都只係港幣100左右！超抵食(//∇//)
酒店會包Buffet早餐，選擇選唔少。有冷盤、有熱食、有即煮粉麵及蛋料理。值得一提餐廳會新鮮的沙律菜，客人要用提供的鉸剪去“收割”菜 (勁攪笑)。另外仲有新鮮的蜂蜜，感覺超fresh！
Buffet一定食得飽，不過貪心的我，仲想試試係私人泳池食個Floating Breakfast。為返港幣200蚊左右有set夠兩個人食的早餐，早餐的內容仲可以自己選擇 (其實都係buffet見到的餐點)。
除了房間，酒店內的環境都好值得周圍行下。酒店中間位置有一條長長的樹林大路， 而且仲有酒店客人都可以用的游泳池 (不過見有唔少樹葉，建議池邊打算)。
總括而言，酒店勁打卡able，想靜靜地休息下，或想瘋狂打卡的你盡對不能錯過。
不過⋯⋯酒店的綠化較多，所以同時蟲蟲就亦較多。係我住的一晚期間，係房的燈制見到蜘蛛仔、室內沖涼地下見到紅色蚯蚓、Toilet外同時有10隻蜜蜂、床上有不少蟻。如果驚昆蟲就要三思 (◐‿◑)
Sheraton Pranburi Villas
📍9/22 Moo 5 Tambol Paknampran, Prachuab Kirikhan, Pak Nam Pran, Pran Buri
網頁：https://www.marriott.com/en-us/hotels/hhqps-sheraton-hua-hin-pranburi-villas/overview/
| 品牌合作 | 出席活動 | 產品試用 | Email : bingfooddelivery@gmail.com
