高氣爽🍂 又係打邊爐🍲嘅好時節☺️
一早都知道渝味曉宇嘅食物有質素保證
最近聽聞佢已經正式改名為【方叔叔重慶老火鍋】🍲
今次一於同老公去探店 拜訪喺中環全新開張嘅火鍋分店
唔講唔知原來方叔叔就係🎖米芝蓮一星🌟💙莆田餐廳 創辦人
【方叔叔重慶老火鍋】餐廳設計時尚型格 座位寬躺 充滿空間感 適合三五知己或一家人聚餐
而且每枱都會有專屬醬油提供 唔需要同其他食客分享 感覺乾淨又衛生
我哋一坐低 店員隨即為我地奉上暖笠笠嘅小碗雪耳糖水
就算想食幾辣🌶️都唔怕傷胃啦 服務貼心💕又周到
♨️湯底係火鍋嘅靈魂($38/位)
我哋點咗必食推介: ❣️鴛鴦麻辣鍋🌶(普通辣🌶️)
由於非常足料,擁有💯正宗重慶麻辣口味😋,呢個辣度已經夠曬辛香麻辣
滾起之後聞到都令人垂涎三尺🤤 搭配肉類一同進食簡直係完美之選
夠晒惹味 令人越食越開胃
另一邊就揀咗養生花膠雞窩🐓 ($20/位)
雞湯特別加入咗南瓜🎃一同熬製 有助提升湯底整體鮮甜味道
啖啖清甜香濃😋 而花膠份量亦算多幾足料 口感爽滑又夠入味
我哋點咗3款中環店限定推介✨
❣️鮮竹笙手打蝦滑(半份)$68
以爽滑竹笙包裹住馬來西亞白蝦滑 口感豐富 蝦滑新鮮 爽口彈牙
竹笙吸收咗湯底嘅味道 顯得額外惹味😋
❣️5頭南日鮮飽 $88
切得薄薄又細嘅鮑魚片 只需水滾淥♨️10秒就即刻食得😍 味道鮮甜 口感爽滑彈牙
❣️鮮鴨血 $88
我自己一向都鍾意食鴨血 呢個鴨血口感鮮嫩幼滑 味道正宗 當然係我嘅必點之選😝
🌟另外仲點咗以吓食物:
❣️嫩牛肉(半份)$58
牛肉味道濃郁 肉質鮮嫩腍軟 吸收咗麻辣湯底之後 味道香濃惹味
充滿驚喜🤩 屬必點之選✅ 私心推介俾大家
❣️美國Prime 牛小排(半份)$158
雪花分布均勻 肉質腍軟 口感豐富 食落有油脂香味但唔會有油膩感
❣️稻田毛肚(半份)$98
同樣水滾淥♨️10秒就有得食😍 口感彈牙爽脆
❣️鮮鵝腸(半份)$78
呢個屬於重慶火鍋必點嘅食材 用上潮汕獅頭鵝 鵝腸厚身 食落滿載油脂鵝香 口感爽脆彈牙
❣️霞浦海帶苗(半份)🥬 $28
海帶苗嚟自福建 口感滑嫩細膩 清甜爽脆 而且營養豐富 味道好有驚喜
我自己就好鍾意 誠意推介俾大家💕
❣️紅糖糍粑(半份)$48
即叫即做熱辣辣🔥嘅紅糖糍粑 屬水準之作😋 可以話係為今次嘅晚餐畫上完美句號💯
真心食到飽一飽 大滿足😍