聽朋友介紹元朗朗屏附近有間餐廳，可以用平民價錢食到酒店式嘅享受，餐廳係由前東方文華酒店主廚主理，瘦編即刻約埋屋企人去試吓先！?
餐廳就係Cafe 52，係葵涌同元朗有2間分店，元朗分店係朗屏站F出口行過去虹方地方，都好容易搵到，餐廳裝修好靚，門口有啲打卡位。晚餐Menu有5個set可以選擇，每個set都有餐湯、餐飲、沙律、餐包同甜品配埋，好豐富！餐湯係忌廉粟米蘑菇湯，味道好濃郁。餐包係竹炭麵包，好特別。沙律係煙三文魚配田園雜菜沙律配黑醋汁，煙三文魚捲成花形，賣相精緻，三文魚又好新鮮，配上黑醋汁酸酸地好開胃！?
主食揀咗安格斯肉眼扒同日本活性水飼豬鞍架。安格斯肉眼扒配薯蓉，送上來嘅時候已經有一陣香噴噴嘅味道傳出來，肉質相當嫩滑，用刀一切就能可以輕易切開！扒肉嘅脂肪比例都好平均，唔會有太多肥膏，好有彈性，肉汁豐富。豬鞍質感厚身，烤完之後仲可以鎖住肉汁，口感軟淰，都好正！另外仲散叫咗個肉醬意粉，蕃茄肉醬意粉味道酸酸甜甜，醬汁好濃郁，非常惹味。最後仲有檸檬芝士蛋糕，甜酸味道配合得好好，完美嘅結尾。?
➡️ Cafe 52 (元朗)
? 元朗宏業南街22號虹方地下1號舖
歡迎合作試用·邀文·出席活動
Email : cwycassie@gmail.com
Instagram: @cassiecwy | @cassiegetfat
Facebook: @cassiegotravel
Blog: Ublog | Girlab | BeautyExchange | Blogspot | Girlssss
| OWN | Rebeaute | Beautylife | 痞客邦
Platform: Openrice (Cuisine_revolution Lv4) | Dianping | Tripadvisor
–
免責聲明:
本文章所發表的全部內容均屬個人意見及感受，並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。
