ViuTV節目「全民造星」男團MIRROR自出道以來人氣強勁，最近副隊長Anson Kong（ 江?生）更擊敗18位中港台演藝界前輩，獲瑞士高級醫美年輕品牌SWISS REJU點名力撐，拍攝全新廣告。
–
Anson Kong外型靚仔，自參賽以來就深受歡迎，連黃心美都曾經衝上台興奮抱抱！創造經典搞笑放閃一幕。自從拍攝ViuTV 電視劇「打天下」及推出單曲之後，人氣更上一層樓。
–
瑞士高端醫美年輕科學品牌SWISS REJU睇中Anson Kong人氣急升，深受粉絲歡迎的特質，特意邀請AK拍攝全新一輯網上廣告。
–
「Anson Kong本身靚仔，好多粉絲都認為佢同姜濤係喺MIRROR裏面顏值最高。姜濤比較大眾化層面較廣，AK才華及網上討論度好高，近年出電視劇又出solo不斷升溫，而且粉絲大讚佢有高度又有溫度，所以廣告商第一個就先揀Anson 」據知情人士透露。
–
Anson Kong人氣旺盛勁吸人緣
–
因為全球疫情影響市道淡靜，不少美容護膚品廣告商，因為經濟不明朗打退堂鼓，市場上具有實力又肯投資廣告的優質醫美品牌不多。當瑞士高端品牌SWISS REJU尋找邀約香港明星時，多名中、港、台、甚至韓國經理人，都主動爭取廣告合約。甚至出現18個藝人同時爭1個job情況。
–
「好多經理人都主動減價搶呢個job，希望藉着同高人氣網紅潮牌合作，自動減價希望獲得青睞。但廣告商睇好Anson同MIRROR。不單冇要求減價，更表示希望長期合作，同MIRROR一同成長。」
–
花姐眼光好
–
MIRROR經理人花姐（黃慧君）一向愛錫一班造星囝囝，事事親力親為，對於廣告工作挑選更十分嚴謹。
–
「係人都知道花姐雖然表面上好惡，其實內心係非常之錫班囝囝，希望搵到啲好嘅品牌工作。所以，所有工作都必須得到花姐親自審批，覺得係有潛力有質素，佢先至同意。SWISS REJU本身屬於高級品牌，辦公室喺中環億元地標，花姐覺得有信心先至俾MIRROR囝囝接。」知情人士指出。
–
SWISS REJU X MIRROR 合作，糅合高科技精準健康美肌管理，與及潮流網紅因素，突破現有模式，實在令人期待。
–