◕◡◕高質冰室♥四寶食堂

上星期去銅鑼灣睇完戲搵野食醫肚，
行經呢間新派冰室裝潢夠特別，
最欣賞地方企理整潔，仲有一幅花花牆，
而且卡位夠寬敞闊落，坐得好舒服。

 

 

 

 

 

 

 

 

 

 

香煎喜哥豬扒配招牌炒滑蛋+菠蘿油 HK$78
厚切豬扒肉質軟腍絕不死實，鬆化香口。
炒滑蛋鬆軟香滑，菠蘿油酥皮香脆，極邪惡！

泰式檳檸雞槌5隻 HK$58
加入檳檸味道清新，減少油膩感，
雞槌外皮酥脆，肉質軟嫩。

 

意式羅勒蕃茄醬炒蜆 HK$78
即叫即炒香噴噴，蜆肉鮮甜惹味！
蕃茄醬酸咪咪非常開胃～

香草白酒龍脷魚配羅勒蕃茄沙沙醬 HK$98
龍脷魚味道鮮美，肉質鮮嫩，口感嫩滑不粗糙。

餐配有黑醋什菜沙律，什菜新鮮爽脆，健康之選！

喜哥蔥油豬扒煎蛋飯 $58
厚切豬扒夠哂大塊，配以流心蛋，賣相一流。
豬扒煎得香脆，口感腍身嫩滑，
再以半熟流心蛋配蔥油撈飯，無得頂！

法式梳乎蛋多士配鮮果雪糕 HK$68
梳乎蛋多士口感濕綿鬆軟，質感輕盈，
拌以雲尼拿雪糕及雜果，口感味道層次大為提升～

雪糕紅荳冰 HK$32 (套餐轉特飲加HK$12)
充滿兒時味道，紅豆軟綿鬆化，夠哂消暑！

阿華田雪山 HK$28 (套餐轉特飲加HK$12)
濃厚的阿華田味道，配以大量忌廉，超滿足！

歡迎找我試用，出席活動

Email: heimenmak@gmail.com

免責聲明: 是次產品/產品資料由品牌提供，本文章之全部內容均屬個人意見及感受，

並不代表該品牌之言論及立場，如需協助或希望獲得更多有關產品資訊，請直接聯絡該品牌查詢。