◕◡◕抵食之選，值得推介！♥Pasta Monster

大圍開左搵食市集都有一段時間，

今日黎到大圍探朋友一於試下！

晚飯時間地下坐滿哂人，

上到一樓冷氣好涼爽，

而且又有好多空位。

見到主打西餐既Pasta Monster都幾吸引，

有齊意粉、漢堡、小食，仲有我最愛既窩夫！

 

 

burger餐最平唔使50蚊已經有交易!

仲要包埋薯條!好抵!

意粉同樣都係唔使50蚊已經有交易!好吸引!

經典美式芝士漢堡配薯條 HK$48

麵包鬆軟富彈性，面頭灑滿香脆芝麻，

牛肉煎得香口又juicy，充滿肉汁；

配爽口生菜、香軟芝士及新鮮蕃茄，

完美配搭，啖啖滋味！

加上炸得外脆內軟的薯條，

絕對是抵食之選，值得推介！

 

 

 

 

卡邦尼意粉 HK$48

甫上台就聞到濃郁的芝士香氣，

將溫泉蛋刺穿，流出的金黃蛋黃漿與意粉拌勻，

蛋漿沾滿每條意粉， 意粉煙韌彈牙，

掛汁力佳，感覺creamy，幼滑又香口！

份量頗大，同樣是抵食之選！

伴碟還附有少量沙律菜及香脆牛油包。

 

 

芒果窩夫配雲尼拿雪糕 HK$54

即叫即做的窩夫烤得鬆脆，

淋上香濃朱古力漿，

配以新鮮香甜的芒果肉、

香滑雲尼拿雪糕及忌廉，超滿足！