好多酒店呢家都會聯乘化妝護膚品牌推出聯乘下午茶，
大多數品牌會送上產品，我哋可以一邊afternoon tea一邊傾扮靚經，
三五成群咁去過一個開開心心嘅下午，
不過唔係個個都吸引到我去品嚐，
呢排心情都比較差，同大家分享一點甜，打打氣。
今個6月，香港喜來登酒店同Origins攜手推出首個聯乘下午茶，
【悅肌再生逆齡香檳下午茶】
就令我試後要同大家分享，無論係產品定食物上，我嘅評分都好高。
悅肌再生逆齡香檳下午茶以Origins全新悅肌再生逆齡抗皺維A晚霜為靈感，
兩位喜來登大廚以健康、低糖同無麩質為主要成份，
精心打造出10款鹹甜小點，天然同時具抗氧化功效。
鹹甜小點每件都十分精美，影相呃like又得，
而且味道又好好，真係好睇又好食㗎！
當日喜來登酒店佈置得好靚，搞到我都忍唔住影多咗相。
10款鹹甜小點包括：
焦糖朱古力撻、蝶豆花柚子奶凍、紅桑子綠茶泡芙、藍莓馬卡龍、
柑橘雲呢拿慕絲、鴨肝配柚子果凍、蟹肉芝士撻、火腿芝士三文治、
燒牛肉小法包、吞拿魚三文治。
最令我喜歡嘅英式鬆餅更加可以無限量供應，
飲品仲可免費升級至巴黎之花Perrier-Jouët香檳、碟豆花蜜糖茶式咖啡等。
食物豐富之餘，下午茶仲附送Origins Plantscription™護膚品套裝(價值HK$275)，
仲有20分鐘面部護理服務(價值HK$200)同埋尊享購物禮遇。
Origins皇牌Plantscription™悅肌再生系列一直深信健康肌膚源自天然，
以非洲長青樹為主要成分，激活肌底細胞再生及修護，
從而幫助減淡細紋同皺紋，而全新Plantscription™逆齡抗皺維A晚霜亦隆重登埸！
悅肌再生逆齡抗皺精華
精華蘊含強效竹子複合物，可激活膠原再生， 令肌膚重拾彈性，
再加入埋獨特嘅柑橘、粉紅玫瑰、薰衣草同天竺葵精油，
用後可舒緩同時提神，有放鬆身心功效。
質地好輕盈又易被吸收，迅速為皮膚提供養分，
連續使用能提升及緊緻面部，面上細紋有減淡效用，皮膚變得緊致。
悅肌再生逆齡抗皺維A晚霜
當中蘊含三重高效「逆齡」成份，包括非洲長青樹、
全新成分阿爾卑斯山高山花卉同維他命A，可有效對抗多種歲月痕迹，
同時配方加入咗高效補水科技，可以令肌膚豐盈健康。
成分中嘅「青春之花」之稱嘅阿爾卑斯山高山花卉，
能強化肌膚中天然膠原蛋白，減少可見細紋同皺紋。
非洲長青木就能夠強效抗衰老物質，激活天然原纖蛋白再生 ，
加上維他命A成分能促進細胞再生，修護老化肌膚。
雖然面霜有維他命A成分，但係性質好溫和，
可以每日使用都無問題，絕不刺激皮膚。
悅肌再生逆齡香檳下午茶
推廣期：即日起至7月31日
星期一至五：下午3時至6時；星期六、日及公眾假期
下午2時至6時
價錢：每位HK$338(設加一服務費)
可免費升級至巴黎之花 (Perrier-Jouët) 香檳、咖啡或茶
Facebook：www.facebook.com/OriginsHK
Website： www.origins.hk
Dear Beauty: www.dearbeauty.com.hk
