今次要同大家推介一個日本嘅有機洗頭水品牌，
就係由日本藥妝松本清自家開發品牌The Public Organic，
喺日本當地口碑極好，主打有機而且不含矽靈自然成分，
哩家喺萬寧都有得買，忍唔住要同大家推介呢款有機洗頭水。
THE PUBLIC ORGANIC精油洗髮水及護髮素
包裝簡約走文青風嘅包裝絕對係我杯茶，
網上極多好評，更有啲人用後評價認為係平價版澳洲A字品牌，
性價比十分高。
除咗係日本製造外，更以95% 以上天然原材料、100%植物精油、無矽而成，
當中嘅豐富植物精油成分原來更係由香薰治療師調配，
所以連拍過日本時裝雜誌《Seventeen》、
《Pinky》嘅日模鈴木惠美都係其用家！
用精油洗髮水都係第一次，用後真心覺得好好用，
頭髮唔單止好清爽而且仲有陣陣自然舒服嘅香氣，
再加上The Public Organic有埋「ECOCERT JAPAN」有機原料認証 ，
絕對係大愛呀！
我係好推介大家買呢支洗頭水，內含薰衣草同天竺葵精油香氣，
成份天然有機， 洗頭水價錢唔算貴，
而且香氣怡人，用後令你會覺得清新又relax！
雖說成分大部分係精油，但當中加入咗氨基酸起泡成分，
所以其起泡度非常好，少量已足夠起大量泡泡，
對比一般大眾品牌洗頭水非常好用。
對於頭髮控油同清潔度都相當不錯，
一邊洗頭一邊有精油嘅香味，真係令人勁放鬆。
而且洗髮水含有豐富精油成分，所以唔洗落護髮素頭髮都非常順滑，
我覺得如果油性髮質未必需要日日洗髮後再用護髮素，
可以隔日使用都能保持頭髮順滑！
潔淨同時舒壓，咁好用嘅洗頭水絕對值得推介畀各位女士。
如果你屬於中性同乾性髮質，就可配合埋護髮素加強滋潤效果，
頭髮順滑一啲都唔毛燥，香味真係好好聞啊。
洗完頭之後，頭髮除咗可以保持香噴噴，散發出自然又舒服嘅香氣，
仲係清爽又唔黏膩，非常有空氣感。
吹頭後，頭髮唔會感到毛燥，精油能滲透每根髮絲，
因此個人用後覺得其保濕滋潤度都幾高。
唔好以為係精油洗頭水就會用完之後頭髮好扁塌，反而係好有空氣感，
頭髮又好順滑，所以怪不得The Public Organic獲得高尚評價，
真心覺得實至名歸。
另一方面，薰衣草精油能夠令人得到放鬆，所以瞓覺時聞到呢個香味，
瞓都瞓得特別好呢！
唔怪得網上有「0負評洗頭水」之稱，因為用過就真係知道好好用，
如果你都想試我今次推介嘅有機洗頭水，唔使專登去日本入貨，
去萬寧就會搵到呢款天然有機洗頭水，快啲買嚟試吓啦！
順帶一提，品牌有兩個系列，香橙Orange係清新系列嚟，
如果你係習慣朝早洗頭的話，不妨選擇香橙精油系列為自己注滿一整天力量。
