抵食火鍋 ~東焰來~

信義妹一屋都係邊爐精，不論出街在家都久不久會想打邊爐。基本各快餐店的邊爐餐都試過啦~今次就不如試下東焰來的啦~

牛乳芝士海鮮雜錦鍋 $98

雖然呢個話就話一人火鍋，但份量都唔少。連信義妹呢啲大食妹都清唔曬。如果想試就記得要帶多個朋友一齊去啊！

跟鍋仲會配埋粉絲或者白飯。信義妹就揀粉絲，可以吸曬牛乳跟芝士的味道，而湯底又有海鮮，鮮甜香濃集於一鍋。令人回味不止啊！

海鮮有青口，蝦，蟹柳。蟹柳係特長的，有一對木筷子咁長~作為火鍋配料，煮到又稔又滑，口感同味道都相配。

丸有海膽丸同墨魚丸。丸唔會帶甜，亦都彈牙。

蔬菜方面有娃娃菜，冬菇，金菇，淮山。令信義妹最驚訝的係有淮山啊！

另外仲有生蒜，豉油，辣油等大家可以為自已的火鍋調味。

沙嗲金菇肥牛鐵板刀削麵 $48

有大量的金菇同芽菜來減低肥牛同沙嗲帶來的膩。鐵板又可以為麪食保溫。沙嗲濃郁味道唔太鹹。豆卜就吸曬沙嗲的味道，趁熱食就更好。

下次要試下其他火鍋先！