【飲食】[放題都有生蠔食ヽ(●´∀`●)ﾉ] 瀛豐放題料理專門店

估唔到放題都有生蠔食，不過就要+$118，可以任食美國、法國生蠔(*´▽`*)，生蠔大大隻，幾creamy唔腥的，食多幾隻就可以回本(^u^)

海膽帶子包超正，新鮮甜美，包住勁多既加拿大海膽！！

 . 刺身都厚切，冇咩雪味，都有成11款揀(ﾉ>ω<)ﾉ，三文魚、 油甘魚、珍寶赤蝦，赤貝、馬刀貝等等，油甘魚肥美，象拔蚌爽口(ﾉ>ω<)ﾉ～ . 

天婦羅、燒物同炸物都一應俱備，天婦羅炸粉頗薄的(ﾉ∀`*)，天婦羅蝦同甜薯都好食，燒蝦都出色，不過口水雞就冇咩味，唔夠香，辣度一般(,,・ω・,,) .

 我發現佢地有好多泰式既小食(｡◕∀◕｡)，蝦餅幾彈牙，泰式炒蜆好惹味，燒元貝好香蒜蓉味，要再encore～

 甜品質素我就覺得麻麻～

 $228/2hr 

每2人可獲既天麻燉魚皇湯，我覺得幾滋補，而每4人就送贈麻辣烤魚盆

瀛豐放題料理專門店 

地址：銅鑼灣駱克道491-499號京都廣場10樓