#Beauty

抗敏補濕救星!韓國Heynature魚腥草系列

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

Advertisement

其實我真係好鍾意heynature呢個牌子,我諗都有10年了,當時韓風盛行,heynature係其中一隻吹入香港嘅品牌,價錢唔貴,當年我非常之鍾意佢哋嘅彩妝產品同BB cream。護膚品我都有用,佢哋嘅產品比我嘅感覺係天然無添加。最近推出咗呢隻魚腥草補水面霜(綠色瓶身),真係即刻要試。天氣咁乾燥,一於試下佢係咪真係夠補濕力先!

有用開Heynature都知道佢哋推崇簡約主義,包裝極度minimalistic,我就好buy呢樣嘢。因為每日已經製造好多一次性嘅垃圾,我都唔想有好fancy嘅包裝,內涵先係最重要!

Advertisement

韓國嘅面霜多數以啫喱狀為主,Heynature呢隻魚腥草補水面霜都唔例外。好處係冰冰涼涼咁,感覺係對收毛孔更加有幫助。其次就係易推開,用量唔洗太多(但都可以厚敷為皮膚急救)。魚腥草味道係好舒服,除咗補濕,更有抗炎、鎮靜舒緩功效,啱晒皮膚敏感人士。

實則一下隻面霜,延伸力同吸收力都唔錯,可能因為我超級勁乾,我會建議搽厚少少,等皮膚吸收飽之後,仲有一層留返係皮膚表面去鎖水。皮膚飲飽水,的確係光澤咗,同埋我嘅鐘意佢唔笠,唔會痴住枕頭同張被。

Advertisement

最好就梗係配合埋同系列嘅魚腥草爽膚水一齊用!噴霧瓶身,幾時覺得乾或者皮膚痕痕地就拎出嚟用,非常方便。氣味一樣係好舒服嘅魚腥草味,我真係好鍾意~(如果唔知魚腥草咩味,大概就係好清新嘅青草味咁上下)

Advertisement

除咗魚腥草,更加入甘油同維他命B5,加強補濕力!產品通過「不致粉刺測試」,證明唔會阻塞毛孔,暗瘡人士用,可以減少皮膚油脂。大家都知道口罩令依然維持,所以保持皮膚清爽唔阻塞係好重要!

我就皮膚太乾所以敏感痕癢,所以立即要試吓魚腥草爽膚水+面霜係咪真係幫到我鎮靜同舒緩。先噴爽膚水,輕輕拍至吸收,再搽一層面霜喺患處。由於面霜嘅質地,本身已經係有陣冰涼感令我覺得皮膚冇咁痕。搽完我冇理佢繼續煲下劇咁,之後先醒起「係喎好似冇再R塊面喎!」即刻要影張相對比下,真係消咗腫同埋降紅!效果驚人!!所以真係好值得我寫番篇blog讚揚下佢!

Heynature係冇門市,想買要去佢哋官網,$99就免運費架喇!

Advertisement

http://www.heynature.com/

https://www.instagram.com/heynature_hk/

https://www.facebook.com/Heynature/

Advertisement

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

popcorn55
八十後在職媽媽,從無憂無慮的二人世界跳到憂柴憂米的三人家庭。因為工作關係,過著男主內女主外的生活。每天忙著返工和吃喝玩樂,決定以「最少的時間留著最多的青春」為人生課題。