好多人問我點解唔染返黑個頭，每次聽到都覺得好煩…其實我好後生已經有好多白頭髮，相信係遺傳咗我爸爸，生完仔之後啲白頭髮更加係雨後春筍咁，可謂滿頭白髮。相信大部分媽媽都面臨過產後白髮問題，基本上再染返黑髮後兩星期，啲髮根就已經白返晒。Anyway，我好細個已經係經常染髮，而我發覺當我染髮次數愈頻密，啲頭髮就會變得愈脆弱同易斷。人到中年，寧願頭髮變白都唔想禿頭，所以我就放棄咗染髮喇。
今日上到嚟藝人苑瓊丹創辦嘅諾貝爾活髮科研中心，尋求返白頭髮嘅解決方案，而除咗白髮問題，聽佢哋職員講，仲會有生髮療程係專門針對各種脫髮問題，例如：頭油過盛、頭瘡、頭皮敏感、髮線向上移、M字額、地中海、頭髮稀疏等，療程揉合中、西醫學技術，當中綜合咗草本學、營養學、生態學、自然科學及專業髮理學，到最後研製成獨一無二的生髮技術，適合所有受脫髮問題困擾的人，而且絕不產生任何副作用。佢哋最近新增咗個白髮變黑髮療程，好啱我呢啲唔想再染髮，但又唔想咁快成頭白髮嘅人！
首先治療師會了解吓客人嘅生活作息等等，在用特製嘅「放大鏡」睇下客人嘅頭皮。經過檢查後，我嘅毛囊還算健康，未有脫髮或頭皮敏感跡象，但係黑色素就真係好貧乏…亦解釋到點解我咁多白頭髮！
諾貝爾活髮科研中心最新研發出「促黑激素」，效用係可以令白頭髮變黑，通過喚醒毛囊入面嘅黑皮質素，從而減低頭髮氧化機會，更可促進頭髮黑色素形成。
白髮變黑髮療程第一步，就係利用O3臭氧療程，主要幫頭皮做一個深層清潔，幫助頭皮消炎，同埋補充頭皮嘅水份。重點係霧化嘅納米離子分子好細，可以深入毛囊，令之後嘅療程精華更容易吸收。過程中暖暖地，好舒服，而打開咗頭皮毛囊後，就可以去第二步喇！
白髮變黑髮療程第二步，當頭髮毛囊被打開後，就會幫頭皮搽上「髮之亮黑因子精華」，同埋敷一個草本髮膜。治療師見我有好多頭髮，所以要我敷雙倍份量嘅草本髮膜，超級足秤足料，保證搽滿晒成個頭。
聽治療師分享，呢隻髮之亮黑因子精華，要搽喺貼近頭皮嘅頭髮根部。每星期最好做到2次療程，返屋企做頭髮護理時，仲可以配合用埋佢哋自家品牌嘅亮黑精華，令效果更顯著。我諗大家都明白，有好多嘢都係基因決定，而我嘅基因就係遺傳性白髮，要扭轉局面，真係需要投放大量嘅恆心，經常去做頭髮護理，防止白頭髮一發不可收拾！
當精華完全被吸收後，治療師就會幫我敷返一個天然草本養髮髮膜，佢望落去黑鼆鼆咁，但其實佢陣味幾自然舒服，話晒都係天然草本成分，唔似得化學成分嘅嘢咁，陣味一啲都唔刺鼻，更加唔會刺激頭皮，亦唔會引發頭皮敏感。
白髮變黑髮療程最後焗咗30分鐘左右，就可以洗頭喇。而呢個metime時段，就可以靜靜地玩下電話，甚至好似我咁訓陣覺。
結束療程後，治療師再同我分析頭皮狀況，雖然我都預咗激活黑色素就唔會一日半日咁快見到成效，但做完個深層清潔後，可以睇到頭皮毛囊乾淨返晒，冇咗啲一舊舊嘢痴住，而嗰啲一舊舊嘅嘢，同埋人體中嘅荷爾蒙 DHT(學名：Dihydrotestosterone) ，都係一啲令人脫髮嘅主要原因，定期幫頭皮深層清潔或做頭皮護理，係幫頭髮重拾健康嘅關鍵！
白髮變黑髮療程，係一個漫長嘅作戰，除咗定期要去諾貝爾活髮科研中心做白髮療程外，平時返到屋企時，都要早晚勤力搽髮之亮黑因子精華，聽落係好麻煩，但要記住對抗基因真係一條好漫長嘅路嚟，為咗唔好咁快成頭白髮，都想一直堅持落去！
後生嗰陣就係成日貪快，又漂又染，搞到頭皮發炎又經常甩頭髮，真係恨錯難
返。生髮中心有好多Before and After嘅真人活髮案例，有晒前後對比圖分享，連苑瓊丹小姐都係真實用家之一，而我見當中有好多人，大概3個月就見到真係生番好多黑頭髮，成績十分令人鼓舞！！等我都努力下，逆齡生番啲黑頭髮出嚟先！！
如果對呢個白髮變黑療程有興趣，或者想知自己嘅脫髮原因，都可以去諾貝爾活髮科研中心預約Check吓，我見依家Nobel Hair官網有體驗價之餘，仲有30ml 防脫髮洗頭水送添！
網站：https://www.nobelhair.com.hk/
FaceBook : https://www.facebook.com/nobelhaircare
Instagram : https://www.instagram.com/nobelhairhk/
WhatsApp聯絡：6016 6238
電話聯絡：2392 3611
地址：九龍佐敦白加士街59號健能發展大廈14樓全層
**產品/產品資料由品牌提供
ngayiellie@gmail.com
