點解我會突然的起心肝減肥？
針灸減肥我就聽得多，但因為怕痛、怕被針吉所以就一直唔敢去，直到最近真係頂唔順……我去zara同個fd質質搏入同一間更衣室去試衫，佢其實都同我份量差唔多，即係噸位都差唔多，但當我地除衫既時候佢突然話點解我肥左咁多、點解手臂粗左咁多同埋有個大肚腩……
我睇返佢轉頭，佢都唔可以話瘦，但就算係肥得比較均勻個隻，唔會話邊度比較突出去（好似我就係上臂同肚腩），可能就係而家講個隻「微胖女孩」、「棉花糖女孩」？而且佢比較唔抵既係，其實佢真心唔算好肥、上半身仲可以算瘦，因為係梨型身材，但因為佢塊面屬於有Baby Fat個種，所以人地成日覺得佢肥，諗落真係好唔抵……
屋企人講都算啦，仲可以攻擊返去（因為我成家都肥肥地），但比個fd無意無心中講一野，真係好「要心要肺」……無意中真相先最為致命呀！搞到我一直記喺個心入面，「形住形住」，成日望鏡見到個肚腩都覺得唔開心……雖然咁樣講好衰，不過節食還好，但做運動對我黎講真係唔係個Option！
我一來真係好佩服放工之後仲有精力、心力同體力去做運動既人，因為我就算唔洗OT，我都想立即仆返屋企，完全無想運動既心，真係好懷疑自己就算「的起心肝」去運動，都係做三日就放棄！二來其實用運動減肥，如果堅持唔到運動落去，就hold唔住之前既減肥成果……淨係聽我都覺得自己無可能靠持續運動去減肥！所以點解要開始！
諗左幾日又上網睇左啲減肥功課，因為唔想食亂七八糟會肚瀉既西藥、成藥，而代餐奶昔個啲淨係睇都覺得想嘔、反胃，同埋食左代餐奶昔梗係覺得全日都會手軟腳軟，因為我工作要用比較多腦力，所以淨係諗都覺得好辛苦好頭暈……因為我不嬲都受得中藥，最後都係揀左中藥減肥！
我去左搵遠志中醫做針灸減肥！
我就揀左遠志中醫做針灸減肥，其實都預左唔可以淨食中藥就得（雖然我真係好希望唔洗吉針），其實都係老生常談，我睇個遠志中醫同我講，肥人點解要減肥？雖然大部分都係為了個樣同著衫好睇啦，但其實肥人真係比普通人更易有慢性病，好似脂肪肝、高血壓、高血脂、糖尿病同心臟病等等……
遠志中醫小姐姐同我解釋，其實肥胖同脾胃關係最大，首先當然係用中藥去調理腸胃啦，另外都真係會叫你去做針灸，而且通常都是針腹，即係肚腩位，我真係淨諗都會打冷震，遠志中醫小姐姐話「針腹」就有幾個好處，主要同最多人知道既好處就係抑制食慾，但其實都可以減少腹部脂肪架，因為話體質係痰濕既話容易係腹部累積脂肪（其實香港有邊個女仔唔痰濕？）針灸就可以減少肚腩脂肪；同埋除左可以減輕食慾之外亦都可以促進腸臟蠕動、減少腹部脂肪累積，咁樣就可以減細個肚腩……
因為我好驚痛、驚自己堅持唔到落去，而遠志中醫小姐姐就話，肚腩愈肥愈厚就愈唔痛！關於好多人講既節食問題，遠志中醫就話其實都唔需要刻意節食，但要避免高脂高鹽高糖唔健康既野食囉，其實中醫好似好少要求客人去戒碳水，可能因為要「湊米氣」呱。不過中醫要你有米氣唔係叫你狂食粥粉麵飯，都要適可而止，同埋要食多啲蔬菜同水果，逐漸食少啲主食……
其實遠志中醫仲建議我每星期至少做三次運動，不過我聽到呢度心裡面細細聲講左句「無可能」，如果我真係做到一星期三次運動就唔洗搵你啦係咪？講到最後其實個遠志中醫減肥療程一啲都唔複雜，因為中醫減肥來來去去都係個啲野，就係24劑濃縮中藥同埋8次針灸，講到療程價錢其實都好明碼實價，只係需要五千幾，好似仲包埋耳針添。
遠志中醫減肥療程包括 24劑濃縮中藥同埋8次針灸
其實聽完遠志中醫呢個Plan，我個心情都好矛盾，一黎覺得24劑藥太少，好似嗖一聲就食完，另一方面覺得針灸好似又太多，大拿拿一買買8次？如果我第一次做已經覺得頂唔順呢？又痛又痺到想即刻落床走呢？咁剩返個啲針灸次數點算呀？
不過呢個世界邊有無痛減肥呢件事？就算針唔吉到入肉上身，你錢包都要出血，你都要心疼個銀包啦係咪？要人幫你減肥真係需要付出金錢心力同忍耐皮肉痛架，如果唔想犧牲既話，其實憑住意志去晚晚落街跑步都得啦，咁樣就最慳錢，但我唔會囉…..相信都好少人會？而且你唔好話落街夜晚唔傷身，如果你肥少少、重少少，其實咁搞法都好傷膝頭哥架！我之前曾經有一日傻豬豬去左夜跑一個鐘，返去膝頭哥痛到根本訓唔到咁滯……
其實遠志中醫都有sell我埋線減肥，最近好似好興埋線減肥，針灸減肥係咪out左？埋線減肥其實就係用細針筒將條大概2cm長既羊腸線埋入個穴位到（通常都係腹部、腰、大腿內側甚至係小腿位），因為羊腸線要時間吸收，咁就可以全天候24小時刺激個穴位，可以抑壓食慾同刺激腸胃郁動吧啦吧啦……去到後邊我都無咩點聽，我心諗其實連針灸減肥我都唔知自己頂唔頂得順，何況係埋針減肥？我絕對唔會做架，無論遠志中醫佢講到幾好幾好、幾有效都好……
總之俾完錢拎完藥就走得，遠志中醫有建議擇日不如撞日，不如就今日去做針灸…..但我太膽小、完全無心理準備，於是就話下次先啦，約左下次時間之後我就閃左。其實食左中藥之後我感覺身體係好左啲，夜晚好訓左同返工既時候無咁攰……但你話有無減磅，其實無既，反而唔知點解仲開胃左，搞到我狂食零食……可能幫我去左濕？同埋硬係形住形住覺得瓦煲出黎既中藥，真材實料煲出黎既係好啲、藥效好似會強2-3倍咁……
講返好多絲打都想知既遠志中醫針灸，其實真係無我想像中咁恐怖…..可能真係因為我個肚腩肥厚多肉啦，感覺無我想像中咁大，比起覺得痛，其實更多係覺得痺。遠志中醫用黎針灸既應該係幼長針？我都唔係識，用棉花球消毒完就好快刺入去，刺入去個下針頭好似插入神經咁好痺好痺，我完全都唔敢亂郁，一郁就feel到支針係肌肉度扯下扯下咁……而且偶爾會一陣陣自己痺，好似肌肉收縮咁……中遠志中醫每次吉一下我都叫一聲，完全郁都唔硬郁……其實除左肚腹之外佢地可能仲會吉下其他位令針灸減肥效果更加快見效，我每次都話唔好呀，不過都無人理我……（其實針灸呢啲野真係就算送俾我都唔太想）係我太無志氣太驚被人針啦！
食中藥半個月同針左3次，但淨係輕左0.3Kg
食左遠志中醫中藥兩星期同針左三次……但除左針左幾次比較有感覺之外，其他都無咩感覺，我已經都刻意食少啲，但可能唔郁下做運動真係唔太得？總之加加埋埋都係輕左大概0.3Kg度，咁呢0.3Kg除返開其實都好貴喎，而且我深深覺得係因為中藥令我去廁所多左，所以就清左宿便同多餘水分，雖然都覺得以自己既體型，淨食中藥同針灸唔會幫得好多……但都比我想像中少囉，有啲Sad……
＊＊＊＊
三個月後我又返黎比啲減肥review比各位絲打！
關於遠志中醫我去食埋藥同針埋我就停左無再買，我明，中醫減肥係一個好長好長既過程，而且以調理身體為主、減肥係其次，就算針灸都無咩好大幫助，我領悟到其實減肥到最後都係靠節食同運動！
中醫無論如何都唔可以作為主打，只可以作為輔助，主要係靠自己，減到七七八八或想維持既時候搵中醫減肥會更加好……有好多人留言同PM我話：你睇個遠志中醫唔得呀，睇我個中醫啦我減左成10磅吧啦吧啦…..老實講，中醫呢啲野人夾人，如果你個中醫幫你減肥成功我恭喜你，但大部分PM我既人其實都係廣告囉，另外其實我阿媽有搵另一個老中醫（又係聽人講話減肥好出名既）一食藥就痾到死死下、痾到最後無野好痾淨得水……真係諗起佢都會腳軟，最後食完一個療程都無去，因為驚整衰左腸胃既平衡，腸道平衡一錯就好難搞返岩架啦！
我最後靠運動 + 激光溶脂減肥成功！
我而家瘦左成個Size，由M減到S，上次去度內臟脂肪都係得4，內脂本身都高架，因為我減左6Kg，所以成個人瘦左一個碼呀！好多人都話我瘦左好多問我搞左啲咩？其實我都無咩做，我只不過真係的起心肝去一星期做大概三次運動，同埋控制下口舌之慾，例如奶茶果茶個啲就無再飲、同埋都控制住無食零食，不過三餐其實就好正常……而且做完運動之後每逢早餐就好鬼餓，但就6Kg之後就無再降落去，就算繼續做運動都無辦法下降落去，食少啲都無用……
於是我又要另覓出路，我今次當然就唔會去用中醫減肥啦，我就試左激光溶脂。激光溶脂就係去New Beauty，因為New Beauty係阿Mi代言所以我對New Beauty特別有好感，我試左S6 溶脂修形療程，咁究竟用技術去溶脂呢？就係用低能量生物激光，其實就係可以到達脂肪層既光學能量，加熱脂肪層入面既脂肪，令脂肪細胞膜溶解，跟住就隨新陳代謝排出去身體外……咁樣就可以減到肥！
有無咁神奇呀咁樣就減到肥？其實真係得，因為我親身試過個療程（佢地有得試做架），上網預約就得架啦，其實我無諗過New Beauty既S6 溶脂修形療程咁work，但係真係減少左運動，但個體重繼續下降，我又減多左2Kg……而家都努力繼續減緊，買左12次New Beauty既S6 溶脂修形療程！我相信我都可以繼續減落去，加油！
如果大家都有興趣可以去睇下：New Beauty S6 溶脂修形療程
我喺度都希望大家減肥成功！
