一到咗夏天，好多女仔都會去沙灘游水、曬太陽，雖然同陽光玩遊戲又真係幾開心嘅，但係如果冇做好防曬，曬得多太陽嘅話，d色斑就好容易走曬出嚟！有少少美容知識嘅女仔都知道，色斑一旦出現，就好難先至可以解決架啦，所以做足防曬，預防色斑出現真係好重要架！
但係有時唔防得咁多架嘛，萬一真係唔覺意曬到出斑，又有咩方法可以解決呢？好彩而家有好多方法可以對付色斑嘅，好似唔少美容院都有引入到激光療程~激光技術係一種可以入到皮膚底層打散色斑嘅技術，透過光學能量將肌底黑色素打走，再由新陳代謝排走，咁就可以連肌底嘅黑色素全部快速排清啦~
不過而家d美容院咁多激光療程，應該點揀好呢？計我話，激光療程一定要做皮秒激光，因為比傳統激光安全同有效好多，而且唔洗擔心會反黑、反白、結焦，基本上係唔會有明顯傷口架~至於皮秒激光呢，而家市面嘅美容院都有好多專門針對去斑嘅皮秒激光療程，今次我就想同各位有興趣嘅人士分享吓有咩推薦嘅皮秒去斑療程！
皮秒去斑療程推薦：New Beauty PicoCure 超皮秒去斑療程
今日主要會同大家講吓2個我試過，又覺得去斑效果唔錯嘅皮秒激光療程，第一個就係New Beauty嘅PicoCure超皮秒去斑療程~其實一開始我會去New Beauty做去斑療程，都係誤打誤撞架咋……因為New Beauty間唔中都會係Facebook開live，介紹唔同嘅療程之餘，仲會送吓免費試做嘅quota，咁我有次咁啱見到，咪click入去睇吓囉，見到係唔洗錢，心諗登記去試做吓又無壞嘅，咁就開始咗我係New Beauty做皮秒去斑嘅經過啦~
好多朋友之後都有問我，New Beauty成日話可以免費體驗，會唔會係呃人架？會唔會上到New Beauty舖頭之後，又會被職員叫upgrade加錢做其他療程架？拿……佢地講嘅情況我唔清楚係唔係真，不過我去咗New Beauty咁多次，都冇一次係試過被職員hard sell或者迫我買d唔想買嘅療程……所以我覺得New Beauty並唔係坊間成日講嘅美容黑店~
講返PicoCure皮秒去斑療程，個時我登記個免費體驗，試做完之後，已經覺得個效果好好！首先一做完個下，皮膚會有均勻亮白咗嘅效果，就好似啱啱敷完一個美白補濕面膜一樣，同時毛孔都會收細返~至於去斑方面，即時效果d色斑係會淡咗少少，而當時New Beauty嘅治療師同我講，過多一星期左右，代謝排出返d黑色素，d色斑就會再減淡好多架啦~
好似New Beauty治療師咁講，過咗一個星期左右，我再認真照鏡望一望，的確臉頰位d雀斑同荷爾蒙斑係淡咗唔少，而且我最鐘意New Beauty PicoCure嘅地方，就係打激光個陣一d都唔痛，打完之後亦都唔需要等傷口結焦、甩焦，雖然打完之後皮膚會有少少紅，不過過咗大半日之後就已經退曬~冇傷口、冇結焦就可以去到斑呢一點，真係十分吸引！
講埋持久度方面，我覺得做完New Beauty PicoCure之後個亮白效果就keep到2星期左右，而去斑方面就唔會話淡完斑，d斑斑又好快浮返出嚟，始終皮秒激光呢d高能量療程唔可以做得太密，但如果個效果唔keep耐d呢，又會未等到下次療程就浮返曬所有問題出嚟，咁咪即係冇做過……
做完呢次PicoCure免費體驗之後，我都有係New Beauty join返10次PicoCure皮秒去斑療程，每個月去1次，堅持曬10次療程之後，我塊面d色斑真係淡咗8成！本身仲想繼續做落去，但個時又太忙所以先至冇繼續做……
我諗大家見我講到New Beauty咁好，應該都好有興趣去試吓，其實New Beauty個網站長年都有得登記free trial，有想試嘅朋友快d去登記試吓啦~
免費體驗 New Beauty PicoCure 超皮秒去斑療程
皮秒去斑療程推薦二：Dr Reborn DISCOVERY PICO 美白嫩膚淡斑療程
可能你會話，既然New Beauty嘅PicoCure咁Work，點解你又會轉會？冇錯，我的確十分鐘意New Beauty嘅PicoCure皮秒去斑療程，做完之後皮膚好咗，色斑又淡咗，而我之所以轉去Dr Reborn，係因為隔咗幾年，又有d新色斑生咗出嚟，主要係額頭同鼻樑，咁我就想睇吓有冇咩去斑療程係快、靚、正！
個時有個朋友咁啱係Dr Reborn做過皮秒去斑，佢介紹我去做嘅話會有得平，咁既然係朋友推薦，咪去試吓囉~的確，有推薦優惠，比起原價係平咗少少，不過不嬲我都唔太介意個價錢平定貴，最緊要去到斑！
Dr Reborn用嘅皮秒機，同New Beauty嘅PicoCure唔同，Dr Reborn用嘅係Discovery Pico，Discovery Pico美白嫩膚淡斑療程用緊2種激光波長，而PicoCure就有4種皮納秒結合嘅激光波長，所以對我嚟講，2部機嘅技術上已經好唔同月，而且Discovery Pico嘅功率傳送都係現有嘅皮秒機入面最高，所以唔少想快d解決色斑問題嘅朋友，都會揀Discovery Pico美白嫩膚淡斑療程~
其實我嘅色斑未去到真係好深，但不過有朋友介紹，所以就去Dr Reborn試吓Discovery Pico美白嫩膚淡斑療程……Dr Reborn都係香港大型嘅美容中心，除咗皮秒去斑之外，仲有d減肥、瘦面療程，有興趣嘅可以上佢地個網睇真d~
如果做過Discovery Pico嘅朋友，應該都唔會對佢嘅去斑功效有咩質疑，我都一樣，我做完Dr Reborn嘅Discovery Pico美白嫩膚淡斑療程之後，皮膚即時白咗，毛孔都收細咗，效果就同New Beauty嘅PicoCure差唔多……
不過有樣野就想同大家分享返，當時我做Discovery Pico係全面打咗1次，而有色斑嘅額頭、鼻樑就再重點打多1次，唔知係咪因為咁，所以我做完Discovery Pico美白嫩膚淡斑療程之後，額頭同鼻樑係紅得好勁，係我之前做New Beauty PicoCure完全冇發生過的……有機會係Discovery Pico美白嫩膚淡斑療程嘅能量太高，我嘅皮膚承受唔到啦……見到咁紅，開頭我都好驚會有印、留疤，不過好彩過咗1個星期左右，d紅就退曬……所以如果係敏感性皮膚嘅朋友，做Discovery Pico之前，最好先試一試會唔會有敏感呀~~
不過坦白講，Discovery Pico美白嫩膚淡斑療程嘅淡斑效果真係OK，我做完之後，等d紅退得七七八八，就發現新出嘅色斑淡咗一半以上！而且整體膚色都均勻咗，毛孔細緻咗，如果唔係我做完之後有發紅，我可能會覺得CP值幾高架~
最後總結一下，其實New Beauty嘅PicoCure，定係Dr Reborn嘅Discovery Pico美白嫩膚淡斑療程，都各有好處，New Beauty嘅PicoCure係我最鐘意嘅皮秒去斑療程，去斑效果顯著之外，又夠曬溫和，完全唔需要擔心皮膚受傷，持久度仲要好OK添！另外，Dr Reborn嘅Discovery Pico美白嫩膚淡斑療程就係功率非常高嘅皮秒機，淡斑同即時亮白效果都好明顯，不過可能對敏感性皮膚嘅朋友就唔係咁友好啦，因為做完之後有少少發紅嘅情況……
其實無論揀邊部皮秒機都好，最緊要揀到一款啱自己皮膚嘅激光去斑療程，如果大家想再睇多d我嘅分享，就記得留意我下次出post啦~