頭髮經歷咗又漂又染六、七年，瘋癲嘅年代已過去，而家修心養性做番個賢妻良母，但原來頭髮受過嘅傷唔係咁容易復原。而家啲頭髮我係留唔到長，因為太易斷，開晒叉，又如雜草，同埋白頭髮超多（呢個後話啦…）有好多人問我點解個頭咁都唔染吓，其實有苦自己知，我想啲頭髮休養生息吓先再搞。我都唔知要休養嘅耐，不過我會用啲修護系嘅洗髮護髮用品去加速我呢個休養生息過程。老實講我都試過好多嘢，唔係隻隻都啱用。最近試咗韓國品牌GROWUS 全面修護組合，一套4支，含豐富的海洋蛋白質營養：7 種膠原蛋白 + 5 種蛋白質！我覺得都幾work，可以介紹吓比頭髮好易斷好脆弱嘅朋友仔試吓！
珍珠修護洗髮露，專門for極損髮絲專用，含喜瑪拉雅粉鹽，珍珠提取物，7種膠原蛋白，5種蛋白質同牛奶蛋白質，pH 5~6.5 弱酸性配方，有效幫助修復頭髮表面嘅受損角質，回復健康有光澤柔順嘅髮絲！最緊要係，可以喺屋企都做到salon級嘅修護效果，啱晒24小時唔夠用嘅我呀～
泡泡非常之豐盈，用起嚟好舒服好爽，可以按摩吓頭皮，啲頭髮唔會cake住cake住，唔會一路洗一路甩好多頭髮。佢嘅香味都幾濃吓，可以keep到大半日。咁香，怕唔怕有刺激性？咁你又可以放心，佢嘅香料有晒安全品質認證㗎！
呢個套裝嘅靈魂一定係呢支皇牌產品免沖洗護髮噴霧，建議一定要入手呢支！尤其是日常必須要用到風筒或者會夾頭髮嘅人士！佢有效防止高達230度熱力做成嘅損傷！而且佢用法好方便，簡單一噴，只需3秒即可擁有順滑秀髮，用後無需沖洗，真正懶人必備！
用前記得搖勻，喺瓶底見到好多珍珠精華！簡單一噴，精華有效幫頭髮包返一層水份保護膜，免因吹頭嘅熱力受損。長頭髮／頭髮厚朋友，吹頭超過7分鐘以上嘅真係必需要先噴一噴！可以保護返頭髮嘅彈性、減少毛燥。同埋都係嗰句，用佢仲正過用香水（笑）
洗髮露同護髮噴霧都係for髮絲嘅，而家就講下關於頭皮嘅護理。呢隻頭皮修護精華，晚上洗頭後用，溫和配方，含喜馬拉雅粉鹽營養，溫和弱酸性，可以幫助頭皮嘅水油平衡回復正常。如果你有頭皮問題，或者發現梳頭經常掉髮，都係啲頭皮受損唔夠營養而出現嘅症狀，咁呢支精華就啱晒你喇。
精華迅速被吸收，使用感清爽不黏膩，用量我覺得唔洗太多，睇吓自己需要。因為我係頭頂成日斷髮，我會搽頭頂分界位，同埋兩邊額角only。每個位置1～2滴，然後用手指頭按摩下，等佢慢慢吸收。
長期居於OliveYoung榜首嘅海鹽磨砂洗髮膏！呢支我真係好鍾意！佢集磨砂同潔淨頭皮功能與一身，濕用，所以只需要喺沖涼嘅時間做埋，唔洗大費周章，輕輕鬆鬆在家自己幫做頭皮做SPA！每星期做一次我覺得已經好夠啦～
比大家睇吓佢嘅海鹽，非常之幼細唔刺激，同埋佢唔係啲膠粒，唔會污染海洋。加水後，會出啲細密嘅泡沫，海鹽喺按摩頭皮嘅過程遇水後會慢慢溶解，用水洗走後可以去除頭皮多餘角質，深層清潔頭皮毛孔嘅化學殘餘物，例如髮泥等等。呢支我覺得可以推介埋比男仔用，因為佢哋gel頭比女仔更頻密。
用咗大概半個月，可以比大家睇吓個效果。因為我啲頭髮真係好爛好枯草，我已經剪到好短，可能冇長髮人士咁睇到好大嘅對比。但我頭頂啲毛燥，我自覺就真係有改善。我好積極咁希望搞返好個頭皮，等生返出嚟嘅頭髮健康啲，多番啲彈性同強韌度，等佢冇咁易斷，自然個頭頂啲毛燥就冇咁犀利啦！
女人頭髮係生命！無論幾多歲都想留一頭健康嘅秀髮。同埋，有光澤同豐盈嘅秀髮比人感覺係年輕好多（我好掛住年輕時代嘅頭髮呀～）唔好等甩先嚟後悔，而家開始修護未為晚也。試過咁多款修護頭髮同頭皮嘅產品，我覺得GROWUS幾啱我。可能因為佢係for亞洲人，無論係泡量或者係精華嘅質地我覺得好好適中，用完唔會話好膩笠，或者太light用完好似冇用過咁。有興趣可以去佢哋官網睇吓！
https://www.facebook.com/Growus-HK-102482615200154
https://www.instagram.com/growus.hk/
U Lifestyle App 邀請讀者關注博客及參加送禮活動
U Lifestyle App 推出全新生活及美食專區《社群》,由網民分享生活、美食、寵物等日常,為大家提供尋找同好及深度交流平台: https://bit.ly/3Cdem9E
