天后一帶一向都好多特色小店/食肆
今次就同閨密去咗呢間「私竇」探店 我講緊嘅係設計充滿特色 滿載昔日舊香港🇭🇰情懷嘅火鍋店🍲【叁不館】
一出𨋢絕對令人有時光倒流嘅感覺 用餐時候 仿如置身於古式茶檔 🤩 餐牌以 報紙📰+馬經 風格設計😂玩味十足
收銀處則設計成戲院🎬售票處 🎫 別有一番風味 叫人印象難忘 雖然佈置有如大排檔 但枱與枱之間仍然保持一定距離 充滿空間感 非常適合三五知己暢敘一番🍻
一坐低 店員先為為我哋奉上餐前小食： 香脆花生🥜 + 涼拌雲耳青瓜🥒 微辣爽脆 醒胃又清新🌱
再細心介紹餐牌同當日時令食材之後 隨即遞上氣勢磅礡 特色醬料拼盤🤩 特別推薦大家試自家製蔥頭油 加入醬料之中滿載蔥油香味
♨️湯底揀咗： ❣️莫生氣椰椰雞🥥 $178 隨湯底附送半隻雞🐓 會分開另上 雞件就可以保持肉質嫩滑☺️ 店員會即席將整個椰青水倒入湯鍋🍲之中 滾起之後可以先飲頭啖湯😋 湯底份外清甜 之後就可以加入食材慢慢烚吓烚吓
❣️頂級安格斯牛頸脊（大）$328 打邊爐嘅靈魂在於一碟靚牛肉🥩 呢個屬 #牛魔王 必點之選 ✅ 由於雪花❄️分佈得好平均 片片厚薄適中 令每啖口感豐富有嚼勁 同時肉質不失腍軟 牛肉味道夠濃郁 食落滿口油香😋 令人回味無窮
❣️新鮮鴨血 $68 屬鴨血 big fan嘅我 呢個當然係必點 鴨血質感鮮嫩幼滑 口味正宗 配上湯底加倍鮮味 ❣️新鮮炸響鈴 $68 即叫即炸響鈴外層金黃香脆 大大件脹卜卜 ❣️冰豆腐（蜂巢豆腐）$42 有無數細孔平均分佈喺蜂巢豆腐入面 吸盡湯底甜味🧽 食落特別鮮甜 口感嫩滑細軟 完全唔會起渣 誠意推介俾大家💕
❣️白鱔片 $98 鱔片夠新鮮 厚薄剛好 唔算多骨 肉質鮮甜爽脆唔會腥 口感彈牙夠滑溜 令我食唔停口😋 絕對係私心推介💕
❣️珊瑚蚌 $128 珊瑚蚌同樣新鮮 口感爽彈 吸收咗湯底之後 額外鮮甜美味😋 ❣️皇帝菜🥬 $45 ❣️3送1汽水🥤$48
期間店員亦經常主動添加湯底，服務貼心💕 對於今次嘅用餐環境、價錢、服務及食物水準都好滿意 有興趣嘅朋友快啲相約三五知己去烚吓烚吓啦🤭
IG@city.of.darkness #叁不館 #香港美食 #天后美食 #hkfoodie #hkfoodieblogger #hongkongfoodie #foodiehk #karryshare 叁不館 City of Darkness
