我係女性雄禿，而且我好鐘意試新嘢，粉們，我今次就去試 Lumas HairLab！
點解我會係咁出唔同生髮療程同生髮產品嘅post？因為我覺得如果我嘅感受可以比你做個參考就好啦，幫到其他脫髮友同清朝人我就功德無量啊！
好，有追過我Post的人都知我做開F8 生髮療程！
我嘅脫髮問題屬於女性遺傳性雄禿，即係天生既，無錯係好黑仔，但都無辦法……
我28歲就開始頭髮變薄、變幼同脫髮，雖然頭髮都仲係長髮，髮量唔算多亦都唔算特別少，但頭髮條中分界真係好闊……Anyway，我幾乎可以話試遍網紅生髮精華，有啲用好耐都覺得無料到、有啲就太油太淋，滴左好似無洗頭咁，而且仲會令我頭皮又過敏又痕到爆……搞左咁多野、試左咁多野最後只係用緊一隻生髮精華（唔係米諾地爾，遲少少我先分享比大家知）。
講返正題先！今次我就去咗好新嘅Lumas HairLab！呢間係韓野，男女生髮都會做！相信無咩人想知佢有咩背景，淨係想知上去做咩同work唔work，咁我都直接入主題：
Lumas HairLab 的療程過程：
- 與顧問傾下先
一開始就有顧問招呼，感覺都好nice好有心機，一開始就傾左一陣我自己覺得頭髮有咩問題（遺傳囉、髮界好闊同埋頭髮好薄好幼，一洗完頭好快變油）。顧問問多幾句，了解我平時做啲咩去止脫同生髮，然後就開始做頭皮測試。
- 做頭皮測試
做頭皮測試唔多講，基本就係放大個頭皮睇下油脂多唔多、毛囊分佈密唔密、每個毛囊有幾多條頭髮之類……顧問一直同我講我頭皮好污糟……我真係要忍住不講野先得，如果唔係我就會同佢講呢啲話術唔洗旨意說服到我，其實正常人頭皮都有正常油脂分泌（脂溢性皮炎另當別論啦），你信唔信我唔洗做咩「頭皮深層清潔」，去洗個頭返黎再照頭皮測試都乾淨曬？
不過既然要試，都不妨比多少少錢去試佢個水氧活細胞深層清潔療程，因為照激光之前我都想頭皮乾淨啲，咁先真正試到work唔work架嘛！
- Lumas HairLab「Jet-Steam 水氧活細胞深層清潔療程」
以下摘錄自Lumas HairLab的FB
「利用 「航太噴射科技」噴射出「水氧混合粒子噴霧」，滲透真皮層，將潛在於皮膚底層位置嘅垃圾毒素推出！同時打開皮膚細胞間隙去除老化角質，徹底清潔毛囊同皮脂腺，有效解決頭油頭屑，改善頭皮新陳代謝，令頭皮回復乾淨清爽！」
對我黎講其實就係「高壓水槍」，我屋企有無？無！但值唔值得比咁多錢買個Pakeage呢？我應該唔會買，而大家就豐儉由人啦下！
- 入到戲肉！「LaseMD微創激光喚髮療程」
之後就真正入戲肉去做佢地皇牌療程啦，佢地會用一個睇落好專業既細細部儀器，喺頭皮上面移動，將佢地特別嘅生髮精華導入頭皮，咁就可以激活毛囊、為毛囊帶黎養分。
做完呢個療程之後，就可以再去照多一次頭皮睇下有無改善，咁就一定有野睇既，會見到頭皮上既油脂少左好多，因為噴過高壓水槍，所以頭皮感覺會輕左好多、感覺洗左頭咁，你話舒不舒服、舒服既，但究竟有無用，可能真的要做多幾次先知！
有一話一，整體感覺係好既，因為職員好nice好細心而且都有獨立房（呢樣就十分抵讚）但療程技術就唔算驚艷，我諗我去做中醫生髮療程可能都更加多野搞！不過療程技術就唔需要多，有用既一個都夠！
講開又講，F8 生髮療程究竟有什麼好？
講完 Lumas HairLab（我最後無買）不如講下F8生髮療程（利申：我買左而且做緊，但呢篇野絕非廣告）。識我既都知我做F8 生髮療程真係做左好耐！我諗大概有30次療程！點解我會Keep住做？大家都覺得有盞無咩感覺既燈照照下頭皮好流架喎！
因為女仔唔食得生髮藥、米諾地爾一停用就會甩頭髮，咁唯有用FDA認證既軟激光生髮方法，而F8既療程核心技術就係「低能量軟激光」，其他咩深層清潔、咩注氧噴槍、咩激光個啲可以加錢買，睇你需唔需要啦，所以其實個價錢無佢地宣傳咁平架！要刷亮眼睇清楚邊度你需要、邊啲你唔洗，加下加下可能就爆單架啦！我有碗話碗，如果淨係做深層清楚然後照燈最後搽生髮精華其實係唔錯既，呢個亦都係我既組合！
係，頭一兩次去照軟激光真係覺得無咩感覺、無咩料到，但估唔到持續做左大概一個月啦，真係開始feel到頭油出少左，平時我洗頭第二日下午就開始痕、出油、有頭皮，而家竟然熬到去第三日！出油少左就少左頭皮，成個頭我覺得都健康左好多，水油平衡得好好，我諗就算為左無頭臭、頭皮同頭油，唔洗日日洗頭，呢個價錢都比得好值，因為佢幫我頭皮天然控油同令佢健康左……
估不唔到三個月之後，本身超級爆炸無敵闊既中分髮界線，開始生BB毛！
生BB毛真係開心到Cry，不過呢個唔係童話故事
係，生左好多BB絨毛的確係好開心，不過因為我係遺傳性雄禿，所以都無好期待所謂「爆髮」，但真係飆生左好多絨毛BB髮，同埋髮量多左、髮界線變窄，但你話回復返以前既十幾歲既髮量，至少我唔得…..但你話維持到頭髮無再甩、控到頭油、控到頭皮，仲多左啲頭髮，所以我覺得已經好work！我會Keep住做！
其實每個人都有自己生髮法寶，而我就有兩寶，一個就係 F8 生髮療程、另一個就係生髮精華，想知我用開有用既生髮精華就繼續Follow我啦！
照慣例擺條Link喺度，你地自己睇啦： New Beauty F8 生髮療程
