#Beauty

2大眼袋槍療程:邊個真.去眼袋?Perfect Medical i-Genius 眼袋槍 V.S. perFACE 膠原眼袋槍

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

Advertisement

2大眼袋槍療程:邊個真.去眼袋?Perfect Medical i-Genius 眼袋槍 V.S. perFACE 膠原眼袋槍

 

面部最容易暴露年齡秘密嘅部位,就一定係雙眼!好多女仔就算皮膚狀態唔夠好,只要對眼有神,成個人望落就更加年輕。尤其而家日日都戴住個口罩,得返對眼見得人,就更加要保持雙眼係最佳狀態!

 

不過成日對住電腦、收咗工又要㩒電話,好多時雙眼都會覺得又乾又澀,除此之外,眼周皮膚仲好容易因為咁樣而老化,搞到眼袋、黑眼圈、眼紋出曬嚟!有時真係敷幾多eye mask、搽幾多眼霜都未必救得返~好彩而家有好多醫美療程都係針對唔同嘅眼部問題,因為用咗高能量滲入肌底,所以去眼袋、去黑眼圈嘅效果,都會比起家用保養品更加明顯同持久~

 

好似我咁,長時間係office對住部電腦,唔單止乾到成日捽眼,而且螢光幕發出嘅藍光都會令皮膚加快老化,甚至令眼周膠原蛋白不停流失……而家對黑眼圈又深又黑,淚溝又明顯,望落仲好大個眼袋添!搞到啲朋友見親我,都話我望落又殘咗……於是我下定決心真係要搞一搞對眼袋!

 

依家好多美容院都有唔同嘅眼部療程選擇,不過真正有效嘅真係唔知有幾多~之前我就試咗2間都係香港大牌子嘅美容中心,而且都係揀咗佢地重點對付眼部肌膚問題嘅療程,一齊嚟睇吓我對呢2間美容院嘅comment啦~

 

眼袋槍療程試做分享一:perFACE 膠原眼袋槍

 

Advertisement

perFACE係其中一間我去咗試做嘅美容院,相信大家對perFACE都唔陌生,佢地成日都會贊助唔同嘅電視節目,所以我諗好多女仔都有聽過perFACE~perFACE一路俾人嘅感覺都幾高貴,走貴婦級路線,不過可能因為咁,所以好多後生啲嘅女仔都唔敢貿貿然去做佢地嘅療程,驚被人「劏到一頸血」……

 

咁啱之前俾我見到perFACE做緊promotion,佢地嘅膠原眼袋槍只要$388就可以體驗一次,以平時價錢嚟講,$388絕對試得過!揀好日期時間之後,我就係booking當日去到perFACE,成日店舖感覺都好寬闊、光猛~登記完之後,就有位幾nice嘅顧問帶咗我入房,等我換衫,之後佢再入嚟同我講講陣間做咩療程、療程用咩原理、有咩效果之類,成個過程大約15分鐘左右,然後就可以開始做膠原眼袋槍啦~

 

perFACE嘅膠原眼袋槍用咗AI智能定位,可以對準眼底膠原層發放射頻能量,刺激膠原增生,令眼周回復漲卜卜!治療師拎起儀器係我眼周,不斷打圈按摩,其實都幾舒服嘅,有少少好似做緊眼部按摩咁樣,感覺上個探頭都貼合眼周皮膚,亦都唔會話碌到對眼好痛、好「冤」,左眼同右眼分別碌咗10分鐘左右,之後敷埋一個眼部水分mask,成個療程就做完㗎啦~

 

因為perFACE嘅膠原眼袋槍淨係針對眼部,所以成個過程只會試做眼,變咗其實好快就搞掂,治療師手勢都唔錯,不過就唔會點講而家做緊乜。同個客溝通嘅部分,好似主要交俾顧問做咁~

 

完成咗個眼袋槍之後,先前個位顧問就入返嚟,帶咗我入另一間房,咁我都知呢啲都係美容院嘅套路,咁有個街客上嚟唔通唔sell你咩~個顧問入到房之後,就拎起塊鏡俾我照,話我對黑眼圈同眼袋明顯細咗,眼周皮膚又firm咗好多,只要做多幾次就會望落更加後生!

 

我認真望望對眼啲皮膚,係就係有Firm到,但我覺得唔係特別明顯,而且黑眼圈同眼袋只可以話係提亮咗同緊緻咗少少,唔係有消失嘅跡象,顧問講嘅程度,我就覺得誇咗少少咁囉~同埋佢係咁講覺得我對眼做完之後,效果好好,然後就係咁講呢個膠原眼袋槍做緊咩plan、有咩優惠,仲係咁話而家好平,叫我快啲落訂,遲吓個優惠就會冇咗……講真,我都被佢chur到有啲煩,何況我唔覺得呢個膠原槍好驚艷,至少未到我會想買plan嘅程度……

Advertisement

 

之後同個顧問「周旋」咗幾乎一個鐘,我用盡我諗到嘅理由:趕時間/想睇多陣效果先/冇帶信用卡/想再諗諗等等等等,佢都有方法繼續講落去,俾我個感覺就好似死chur爛chur咁,最後憑住我堅定嘅意志力先至可以係唔洗買plan嘅情況下,順利離開perFACE……

 

眼袋槍療程試做分享二:Perfect Medical i-Genius 眼袋槍

 

講完係perFACE唔好嘅經歷,唔知係Perfect Medical又點呢?因為係perFACE試做膠原槍個效果本身唔太明顯,所以過咗兩、三個月左右,我都已經覺得對眼「打回原形」,所以又開始搵吓有咩去眼袋療程係值得一試~

 

其實Perfect Medical個名都聽過好多次,不過同perFACE一樣,我都覺得佢係target 啲貴婦級數,我呢種行小資路線嘅未必負擔得起~之但係咁啱又俾我係Facebook見到佢地賣廣告,話皇牌i-Genius眼袋槍可以免費試做,見到唔洗錢,我就當然「雙眼發光」啦!二話不說,即刻登記咗體驗lu~

 

去到Perfect Medical係旺角嘅分店,都幾闊落,因為好快就有位顧問帶咗我入房,所以我都冇咩時間留意大堂係點樣~入到房之後,顧問先幫我做個皮膚測試,做法好簡單,就係用電腦幫我影一影面部狀況,之後就可以係螢光幕到睇到我塊面有咩問題~雖然我今次嚟試做眼袋槍,不過佢見到我有暗瘡同少少色斑問題,都會同我分析吓係咩類型同咩原因造成,之後再重點講吓我有咩眼袋同黑眼圈問題。

 

Perfect Medical嘅顧問話我因為皮膚老化,所以出現鬆弛型眼袋,同時眼袋造成嘅陰影形成咗黑眼圈,搞到對眼望落又攰又老……另外,顧問仲帶講埋今次試做嘅眼袋槍,可以點樣幫到我解決眼部問題~i-Genius眼袋槍用咗超聲波+射頻,比起單單用射頻就可以有更加明顯嘅緊緻效果,兩種能量同時可以刺激膠原蛋白增生,令到對眼更加Firm!最後會做埋冷凍溶脂一步,溶解眼周多餘脂肪,咁眼袋問題自然冇咁易打回原形啦!

Advertisement

 

Consultation呢part都講得幾詳細㗎,大概都講咗around 20分鐘,之後顧問就帶我去另一間房,由治療師幫我做眼袋槍~治療師先幫我清潔眼部皮膚,搽完啫喱之後,就用部機頭係雙眼周圍碌吓碌吓,碌個範圍都幾大,會碌到落顴骨位置,確保成個眼袋位都碌得曬~

 

碌緊眼個陣真係好舒服,就好似敷緊個啲暖暖地嘅蒸氣眼膜咁,而且一啲都唔hea,都有碌咗15分鐘Up!碌完暖頭,治療師就會轉用冷凍溶脂頭再重新碌一次,雖然話係冷凍溶脂,但唔會太凍,只係有少少涼涼地,同敷eye mask個種涼浸浸嘅感覺差唔多,同樣都唔係hea碌,成part做療程都真係做足30分鐘,冇hea做㗎~

 

做完療程,當然唔少得去間房到同顧問傾吓偈啦~入到去,顧問同樣都係幫我照吓鏡,不過今次我就睇得出對眼明顯Firm好多,因為眼袋平咗,所以黑眼圈望落都冇咁深色,雖然本身我嘅眼紋唔算好深,不過都見到淡咗一半,整體嚟講個Firming效果都幾令我驚喜!

 

不過我個人覺得逢親做醫美療程,都一定要比啲時間去睇睇個效果持唔持久,如果做完之後,隔2,3日就回復原狀,咁同搽護膚品有咩分別呢?所以我同Perfect Medical嘅顧問講:「我想返去再睇睇效果係點先~」佢聽到我咁講,好順攤咁話:「好呀~冇問題呀!如果你有咩問題,都可以Whatsapp返我地查詢㗎~」,之後佢再講多陣返到屋企之後,係護膚上要注意啲咩,例如要敷吓水分eye mask、唔好用太熱嘅水洗面、眼周記得搽返防曬等等,最後我就走得啦~

 

總結:perFACE膠原眼袋槍同Perfect Medical i-Genius眼袋槍點揀好?

 

Advertisement

經過咗呢兩個療程嘅試做,由技術層面嚟睇,2個療程所用嘅原理其實差唔多,都係用能量刺激膠原蛋白增生,令眼周更加Firm,不過可能perFACE單單用咗射頻,而Perfect Medical就用咗超聲波+射頻+冷凍溶脂,3重能量夾擊之下,一做完療程個吓,的確係好有驚喜!而且Perfect Medical個提拉效果都維持到差唔多一個月,根據個顧問建議,大概一個月做一次,咁keep住做嘅話應該真係可以有好明顯嘅亮眼效果~

 

至於服務方面,Perfect Medical真係好過perFACE,單係不斷chur客、sell客呢一點,已經令我對perFACE扣咗唔少分,雖然其他方面都不過不失,但係個客上到嚟無非都係想relax吓姐,都要俾你chur到覺得煩,咁咪唔掂囉~相反,Perfect Medical嘅顧問都幾nice,而且感覺唔sell客,雖然點都會同你講幾句最近做緊咩優惠、邊樣邊款療程啱你、而家做咩咩plan有幾多折優惠等等,不過就算話唔買,都唔會俾佢chur住~

 

再講埋價錢,perFACE就咁試做一次膠原眼袋槍要俾$388,而Perfect Medical試做一次i-Genius眼袋槍就唔洗錢嘅~完全免費!所以性價比嚟講,Perfect Medical真係抵好多!下面我就簡單咁評咗分,有興趣去試做嘅姊妹們可以參考一吓~

 

perFACE 膠原眼袋槍 Perfect Medical i-Genius 眼袋槍
效果 👍👍👍 👍👍👍👍👍
體驗過程 👍👍👍 👍👍👍👍
舒適度 👍👍👍👍 👍👍👍👍👍
服務 👍 👍👍👍👍
試做價錢 👍👍👍 👍👍👍👍👍

 

以perFACE同Perfect Medical相比,我個人真係會推薦Perfect Medical多啲,千祈唔好以為佢地只係做高檔貴婦路線,其實佢地好多療程都可以免費試做,行開小資路線嘅各位去做一做絕對冇蝕底㗎!今次我做嘅i-Genius眼袋槍效果真係唔錯,嚟緊我做咗其他美容療程,都會繼續同大家分享㗎~下次再update大家啦~

 

免費體驗 Perfect Medical i-Genius 眼袋槍

Advertisement

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。