#Beauty

療癒系本地品牌 SYZYGY 極簡護膚

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

Advertisement
以前成日買衫,買極都覺得唔夠衫著。最近呢三四年,心態上有好大嘅轉變,冇買衫好耐。其中一個令我改變嘅原因係有咗小朋友。有咗小朋友後買比佢嘅嘢當然係多咗啦,但唔想買咁多衫褲鞋襪比自己嘅原因係我覺得我嘅生命好圓滿,心靈富足咗,唔需要太多額外嘅嘢去「完善」我自己。原來香港品牌 SYZYGY 創辦人 Ca,係斷捨離愛好者,佢認為極簡主義其實更加可以反映真實嘅人生。所以 SYZYGY嘅產品都係一樣,內裡嘅成份只係有效嘅成份,無添加任何 GIMMICK嘢。作為用家,皮膚有改善先係我想要嘅嘢,並非護膚品嘅包裝,代言人,贈品。我今次就試吓佢哋嘅B5蘋果氨基酸潔面泡沫 & 有機柚子護理油,呢兩款產品榮獲2022 THE BEAUTY SHORTLIST MAMA & BABY AWARDS最佳編輯推薦獎㗎!
一支潔面機產品拎到編輯推介獎,等我哋睇吓有咩個人之處先。B5蘋果氨基酸潔面泡沫,集綿密泡泡、潔面力高、保濕於一身。成份為專利成分椰油硫基蘋果氨基酸鈉 & 維他命 B5 & 鼠尾草籽萃取,有效潔面保濕且使皮膚冇乾燥繃緊感覺。另外更無添加刺激成份如 Parabens、塑化劑等,懷孕媽咪同敏感皮膚人士皆適用。
一按出泡泡嘅樽身故之然係可以出到泡泡啦,但呢隻SYZYGY B5蘋果氨基酸潔面泡沫按出嚟嘅泡泡,你可以見到佢係特別綿密細膩挺身,有別於其他洗面泡泡㗎!綿密嘅潔面泡嘅好處係佢可以落到毛孔深層清潔,洗走深層啲嘅污垢,唔傷皮膚,唔需要特別配合洗面機或者洗面刷。尤其是如果你本身係暗瘡底,呢隻洗面泡會好啱用!因為暗瘡嘅洗菌會殘留係刷毛,其實盡量避免有額外嘅工具要潔面,暗瘡傷口會癒合得快啲㗎!
有機柚子護理油,我就極度鍾意呢支,真係一試愛上嘅質地。你可以叫佢做萬用油,因為全身都用得,身體,面部,甚至髮尾都可以~主要成份係有機日本柚子精油、有機荷荷巴油、浸泡胡蘿蔔油(有機橄欖油、有機葵花籽油、野生胡蘿蔔)、有機小麥胚芽油、有機也門乳香精油,純天然全素,氣味清新。
長期坐冷氣房,皮膚極度乾燥,我最近係晚晚用 SYZYGY 有機柚子護理油全身搽,順便按摩吓,幫自己推下啲淋巴。我留意到皮膚係多番啲彈性,同埋柔軟咗。用油塗抹係有保濕鎖水嘅效果,另外係氣味幾舒服,唔係一陣油味。質地方面我覺得油之中呢隻算好 Light,唔係痴笠笠嗰種,但亦唔係搽完好似冇搽嗰隻。按摩後,可能因為我真係好乾,我係會吸收晒,如果我有時間我係會再搽多一層先去瞓覺㗎!懷孕媽咪可以用嚟搽肚搽胸同搽吓 Patpat大腿呢啲好易爆紋嘅位置,生完嘅媽咪就更加要保養下,我發覺生完 BB後身體嘅皮膚彈性真係差咗好多呀(唉~)
用完呢兩款 SYZYGY皇牌產品我就明白點解拎到編輯推介獎,我最鍾意佢真係做到佢寫出來嘅功效,冇誇大其詞。每日用,皮膚係見到有進步,而個進步係慢慢留意到出嚟。隻手踭之前濕疹甩皮,搽咗有機柚子護理油大概4日左右就有改善,修復到乾到裂嘅皮膚,繼而就開始冇咁痕,少咗R痕,就開始見到個手踭位好返。見好效果令我有心機每日用,呢個真係一個好好嘅循環。生活所有嘢都有機會有好嘅循環,但個開始一定由自己去開創,的起心肝把握現在啦! #blognet #syzygy #潔面泡沫 #護理油 #柚子 #孕婦適用 Official: https://www.syzygyhk.com/ Facebook: https://www.facebook.com/syzygyhongkong.hk Instagram: https://www.instagram.com/syzygy_hongkong/ **產品/產品資料由品牌提供 ngayiellie@gmail.com http://www.facebook.com/popcornellie http://instagram.com/popcornellie http://popcorn-express.tumblr.com
Advertisement

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

popcorn55
八十後在職媽媽,從無憂無慮的二人世界跳到憂柴憂米的三人家庭。因為工作關係,過著男主內女主外的生活。每天忙著返工和吃喝玩樂,決定以「最少的時間留著最多的青春」為人生課題。