今次又跟朋友去荃灣搵食啦，到底有咩荃灣西美食推薦？發覺最近搵食地圖都係同荃灣甜品有關，今次去到近荃灣西鐵站嘅海之戀商場食肆「茶寮京都仁王門」，試咗一份主食、一份小食和一份甜品！而堂食滿＄300已享有9折。
黑松露沾醬薯條 HKD 42
頭盤先嚟薯條，搬盤唔錯，薯條睇落夠脆，炸得金黃，而黑松露就另外以細盤裝住。
薯條無雪味，口感香脆可口，係會食唔停！！
不過個醬唔夠香，有啲淡，如果有啲黑松露碎就正。
特級吉列豬排 HKD 118
（凡惠顧任何揚物、燒物或人氣料理〔除特盛鰻重〕，均可以＄28加配季節前菜x2、飯團／稻庭烏冬、麵豉湯、時令水果及冷日本茶）麵豉湯、時令水果及冷日本茶可免費添加1次！
Advertisement
呢個餐揀咗配烏冬，個湯幾濃味，少咸，唔會煮得太軟，烏冬都吸收到湯嘅味道，唔錯。
前菜、水果正正常常，日本茶茶味清新，忍唔住再添飲一杯，幾解渴。
豬排份量都唔少，無多餘油份，炸得乾身，不過豬排口感少少乾，肉汁一般；
比較少出現炸粉同豬排分開嘅情況，就算咬開都唔會散哂！
不過豬排味唔差，可以一戰！
朱古力班戟 HKD 108
今次飯局最期待嘅甜品，本身想叫 Tiramisu，但係?陣無得嗌Sad。
但班戟一啲都無令人失望，大大份，有唔同材料，包括朱古力碎、朱古力脆片、香蕉、朱古力雪糕同脆片等，而班戟上面仲有一層朱古力粉，食?陣真心唔好講嘢，差啲濁親！
班戟鬆軟又夠香，而且仲有微濕質地，加埋唔同質感朱古力配合，令口感更加特別；
食完呢個甜品令成餐有完滿句號，正！
Advertisement
～～
茶寮京都仁王門
荃灣大河道100號海之戀商場地下G22-G23號舖
Advertisement
－－－－－－－－－－－－－－－－－－－－－－－－－－－－－－－－
Advertisement
免責聲明:
是次產品/產品資料是自購的，本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或和尋求相關專業意見。如從而引起任何損失或法律糾紛，本人概不負責。
希望大家喜歡我中肯的分享
更可到FB及Instagram看我平日分享：
FB Fan page ＆
