#Family

【孕照拍攝📸】 海景酒店自拍孕照🤰𝓓𝓘𝓨 𝓹𝓻𝓮𝓰𝓷𝓪𝓷𝓬𝔂 𝓼𝓱𝓸𝓸𝓽𝓼

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

𝔸𝕥 𝕥𝕙𝕖 𝕓𝕖𝕤𝕥 𝕡𝕣𝕖𝕘𝕟𝕒𝕟𝕔𝕪 𝕤𝕙𝕠𝕠𝕥𝕚𝕟𝕘 𝕞𝕠𝕞𝕖𝕟𝕥 𝕥𝕙𝕠𝕦𝕘𝕙 𝕨𝕚𝕥𝕙 𝕡𝕙𝕠𝕥𝕠𝕘𝕣𝕒𝕡𝕙𝕪 𝕤𝕥𝕦𝕕𝕚𝕠𝕤 𝕗𝕠𝕣𝕔𝕖𝕕 𝕥𝕠 𝕔𝕝𝕠𝕤𝕖 𝕥𝕙𝕖𝕚𝕣𝕓𝕦𝕤𝕚𝕟𝕖𝕤𝕤𝕖𝕤 𝕥𝕖𝕞𝕡𝕠𝕣𝕒𝕣𝕚𝕝𝕪 𝕕𝕦𝕣𝕚𝕟𝕘 𝕥𝕙𝕖 ℂ𝕠𝕧𝕚𝕕 𝟙𝟡 𝕡𝕒𝕟𝕕𝕖𝕞𝕚𝕔.

𝕋𝕙𝕖𝕣𝕖 𝕚𝕤 𝕒𝕝𝕨𝕒𝕪𝕤 𝕒 𝕨𝕒𝕪 𝕠𝕦𝕥! 𝕄𝕚𝕤𝕤𝕚𝕟𝕘 𝕥𝕙𝕖 𝕠𝕡𝕡𝕠𝕣𝕥𝕦𝕟𝕚𝕥𝕪 𝕥𝕠 𝕔𝕒𝕡𝕥𝕦𝕣𝕖 𝕥𝕙𝕖 𝕡𝕣𝕖𝕘𝕟𝕒𝕟𝕔𝕪 𝕨𝕚𝕥𝕙 𝕒 𝕡𝕣𝕠𝕗𝕖𝕤𝕤𝕚𝕠𝕟𝕒𝕝𝕡𝕙𝕠𝕥𝕠𝕘𝕣𝕒𝕡𝕙𝕖𝕣. 𝕁𝕦𝕤𝕥 𝕕𝕠 𝕚𝕥 𝕆𝕦𝕣𝕤𝕖𝕝𝕗! ℙ𝕣𝕖𝕤𝕖𝕣𝕧𝕚𝕟𝕘 𝕥𝕙𝕖𝕤𝕖 𝕤𝕡𝕖𝕔𝕚𝕒𝕝 𝕞𝕠𝕞𝕖𝕟𝕥𝕤!

先講下點解會有自拍孕照呢個決定,其實一開始懷孕就打算影孕照,從六個月開始打算自費找一間合眼緣又就腳的studio,但眼看疫情漸催嚴重,老公基於安全理由很堅決反對,甚至有studio 和攝影師主動邀請免費為我們拍攝,經過冷靜地分析一下………最後還是碗拒了🥲,很簡單「無野重要得過BB嘅健康」。

但過後就覺得決定得好啱😆,因為我整個最佳拍攝孕照28至33週都是二人限聚、禁堂食和 很多表列處所停止營業(好彩自拍早幾天髮型屋開返,老公才剪頭髮)。所以其實唔洗諗😅,跟本就無得揾人幫我地影孕照,如果比了訂金就更頭痕。

老公知道我很想拍孕照,因為懷孕對我黎講實在太難得(不幸事件發生過好幾次🥲),所以今次亦非常有可能會係「第一次和最後一次的懷孕」,畢竟也快到四字。所以老公自發性提出近近地去屋企附近嘅酒店自拍影孕照,只有我倆感覺安全很多。

大約31週左右拍攝,好好彩拍照前幾天髮型屋又可以繼續營業,拍孕照前準備和注意事項:

📸拍攝時間

最佳拍攝孕照時間大約會係28至33週左右。 其實28週都已經好大個肚,但老公唔易請假,請得假黎再book 酒店時而推遲到31週左右。但問題又出現啦,就係當一踏入28週就開始體重增加得很快、而且塊面越來越水腫☹️,加上Pat Pat 痛 (恥骨鬆弛,導致坐骨神經痛),所以如果比我揀多次,就到時間嘅話,會想27、28週左右就影,上鏡會好睇好多。

🏞️室內還是戶外

室內還是戶外很視乎個人體力,有些年輕媽媽體力比較好,又或者有揸開車相對容易處理,但其實當踏入孕後期體力會明顯比以前消耗得快很多,所要考慮嘅係「你今天的體能,不代表你一、兩星期後拍照當天的體能」。另外,戶外變數相對較多,例如:氣温 和 天氣, 落雨天會唔會有Plan B? 人流多亦會影響拍攝。疫情問題都係其中一個考慮因素,當我們拍孕照時戶外係不可以除口罩(事實上咁多菌嘅情況下,也不願意在街除口罩影相),所以亦只可以揀室內。

🎭準備用具:

上網訂購了幾件拍孕照嘅裙、衫、還有少許卡紙裝飾 和自備化妝💄(化簡單妝沒有塗眼睫毛液, 當然亦無帶假眼睫毛,化妝品始終多金屬或化學成份)和 少許髮型裝飾,老公係衫方面都有帶多一兩套替換,訂了一兩盞大燈 、 自備相機、腳架 和自拍神器就出發。

✍️Mojo 自拍孕照感受和分享:

喺揀選酒店方面自己沒有太多要求,第一最緊要近,第二自己偏愛海景。有啲人就會鍾意山景、叢林景或主題公園 有公仔之類嘅得意佈置。 而酒店有一個可取之處係一肚餓就可以order 外賣醫肚,餐廳亦很就腳,慳返唔少時間。

一對不專業的 攝影師 和 模特兒 嘅作品,當然比不上有studio 嘅靚靚背景和拍攝道具,亦比不上有專業團體幫你打燈、化妝、睇位、教你擺pose、多款靚衫、靚頭飾髮型、首飾選擇、亦不會有任何執相修圖………等。

但因為訂了酒店房,就可以全天慢慢地拍照,雖然keep住屁股痛,但影下停下休息一陣再影,時間flexible啲,相對舒適一點。

加上有些孕裝都比較性感(點都要show下quali!😆😆即個肚),如果係男攝影師面前會小心翼翼無咁隨意,加上個肚又大又重反應又慢(身體當時有腰酸背痛情況☹️),揾攝影師一般有時限會較趕時間。

整天的拍攝經驗都係輕鬆愉快,和老公食下野影下相,很快就過了一天🍱🍰🍹。很期待將來一家人和寶寶一起翻看照片,好好回憶一下這段寶寶👶還在和我心連心的美好時光。☺️

講左咁耐係時候睇下相📸📸😆

~~~~~~~~~~~~~~~~~~~

如果喜歡我嘅分享記得要follow+ 比Like 👍🏻我😊😊

你們嘅支持就係繼續去分享嘅動力💪🏻

🌐Instagram:

https://www.instagram.com/mojochustyle/

🌎Facebook:

https://www.facebook.com/mojochustyle/

#孕照 #孕媽媽 #懷孕 #大肚相 #大肚 #自拍 #自拍孕照 #香港媽媽

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。