#Food

7cm大新鮮鮑魚、8cm大貴妃蚌、扇貝海鮮瘋狂任食

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

7cm大新鮮鮑魚、8cm大貴妃蚌、扇貝海鮮瘋狂任食
今日去咗個有得玩有得食嘅地方
原本以為只喺去釣蝦,原來喺捉蝦
仲竟然有咁多海鮮任食,真喺食到停唔到口
講返間餐廳先,餐廳好似室內BBQ場咁
除咗各式各類嘅海鮮之外,仲有BBQ必備嘅肉類、丸類,款款都串好晒方便燒。想即刻食,仲有唔少熟食貨應,飲品種類都好多,食飽仲有雪糕填飽另一個胃。
我們剛好被安排坐在魚缸旁邊,可以自己夾蝦食。

海鮮種類好多,多到食唔切
包括:大大隻新鮮飽魚(仲郁緊㗎)、8cm大的貴妃蚌、新鮮扇貝、原條新鮮魷魚、即開生蠔、大蜆、東風螺等等

肉類包括:咖哩雞翼、牛肉串、羊架、牛扒、牛丸、腸仔、魚蛋、龍蝦丸、漢堡扒、芝士腸、肥牛金菇、鴨胸、鴨腎、雞軟骨等等

其他串燒:多春魚、日本蕃薯仔、格仔餅、燒菠蘿等等

掛住爭取時間食,好多都未試到,掛住食飽魚同貴妃蚌,全部好新鮮,好鬼正。

職員教我地要剪咗飽魚肉後放在扇貝殼上燒,否則飽魚殼會好易燒爆。建議帶位男士去幫手剪,女仔剪到手都軟。

有個溫馨提示俾大家,盡量唔好戴隱形眼鏡去食,因為張枱比較細,基本上好似薰緊自己塊面咁,燒緊嘅時候都幾熱,戴隱形眼鏡應該會感覺更加眼乾。

仲有記得著「襟」污糟嘅鞋,最好平底鞋,因為大家要裝冰水雪暈啲蝦,地上不時有灘水,著平底鞋會比較安全。

建議兩人一枱好了,因為爐身比較細,四個人一枱,只會變咗好多時間都等食。

食得都幾開心,職員非常勤快清理枱上垃圾。食物補給又好快,每次出去拎都有一堆新鮮嘅放出嚟,隻隻飽魚都郁緊,真喺相當吸引,好想食晒佢地落肚

蝦蝦燒 (佐敦)
佐敦白加士街10-24號永富大廈1樓

#小夏美食情報 #蝦蝦燒 @hk.cookinghaha #hkfoodie #hkig #hkfoodieblogger #foodiehk #seafood #任食 #放題 #海鮮放題 #新鮮海鮮 #香港美食 #香港美食指南 #美食推薦 #美食推介 #美食日記 #食好西 #食評 #好味 #美食家 #香港打卡 #食得是福 #foodblogger #吃貨人生 #吃貨女孩 #吃貨日記
#吃貨

謝謝大家來看LoveCath夏沫的文章啊~^^~
Catherine (LoveCath夏沫),
電郵 love.cath@yahoo.com.hk / lovecathcath@gmail.com


LoveCath 夏沫


*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

LoveCathCath
歡迎邀稿 love.cath@yahoo.com.hk / lovecathcath@gmail.com 擁有43寸長腿的高瘦平女生~哈哈~~ 勇於接受一切新事物, 喜歡跟大家分享一切美好的生活點滴 喜歡從分享生活、美容、時尚、旅遊、美食當中找出有共嗚的你~ 與我成為網上的朋友~一起探索更多新事物