#Beauty

medilase脫毛 V.S. Clear A3激光脫毛?女仔激光脫毛邊間好?入嚟睇答案啦!

講起激光脫毛,近年最多人講起嘅一定係medilase脫毛,medilase脫毛慢慢已經追過咗最耐歷史嘅D記,成為最多女仔去脫毛嘅脫毛公司,而事實上有好多女仔本身都係喺D記做開激光脫毛,之後轉咗去medilase做脫毛。不過今日想同大家分享嘅係,除咗medilase呢間脫毛中心之外,我仲試咗一間叫Clear嘅脫毛中心,同埋我發現都有唔少女仔對medilase同Clear嘅脫毛plan有興趣,下面就同大家分享吓medilase脫毛同Clear脫毛有咩唔同,一於睇吓兩間脫毛中心邊間好啦!

 

1) medilase脫毛 V.S. Clear脫毛:優惠🈹

 

係我讀大學個陣就已經去medilase脫毛,到一年前左右,都仲會keep住會去medilase脫毛。點解大學個陣會join medilase脫毛plan?因為個時各大脫毛中心都有推出一d大學生優惠,而當時medilase可以話係脫毛界嘅「後起之秀」,身邊唔少同學仔都去咗medilase脫毛,所以就好理所當然咁都join埋一份啦!

 

講返medilase脫毛個大學生優惠,其實依家睇返,係medilase脫毛都唔算特別平,雖然有大學生優惠可以平到半價左右,不過之後遇過其他脫毛公司,就發現就算medilase脫毛有優惠,都依然會比其他脫毛公司貴一截。同埋之後出咗嚟做嘢,冇得再用大學生優惠,想買其他脫毛part就貴好多,亦都係我想轉會嘅原因之一。

 

至於點解我會去試Clear脫毛呢?其實係因為我有個join開medilase脫毛嘅朋友,後來轉咗會去Clear,佢話做咗2、3次,脫毛效果都幾好,所以就叫我去試吓。我個朋友仲話Clear可以免費試咗一次佢個A3激光脫毛先,聽到有咁荀嘅優惠,我就梗係去試吓啦!

 

本身去Clear脫毛之前,都預咗如果ok嘅話,就會順便join埋plan。見到Clear用嘅技術係最新嘅Sapphire藍寶石激光技術,我都諗住會同medilase脫毛差唔多價錢,點知Clear個顧問同我介紹d脫毛plan個陣,我仲以為佢寫錯價錢,Clear A3激光脫毛既價錢竟然只係$333就脫足6次!$333真係食一餐飯都冇咗啦!而呢個咁抵嘅價錢都包脫清毛毛,真係我脫足10 parts都冇係medalise脫毛脫一part咁貴,Clear絕對join得過!

 

2) medilase脫毛 V.S. Clear脫毛:技術💁‍♀️

 

女仔去做激光脫毛,無非都係想脫得快、靚、正!如果脫得唔乾淨,成日都要去補脫嘅話,咁同冇做激光脫毛有咩分別呢?所以要脫得乾淨,脫毛中心用嘅脫毛機技術就好重要啦!

 

前幾年我去medilase脫毛個陣,佢地已經係用緊755nm波長嘅激光,755波長係最適合亞洲人膚色嘅激光,大部分亞洲女仔都可以用755nm波長脫走大部分毛毛。我係medilase脫毛個陣就做咗入門package,即係腋下+上唇,一共脫咗6、7次,我就已經唔覺得再有毛毛生出嚟。不過每年就到夏天個陣,我都會搵到有1、2條好幼嘅毛毛,感覺上有少少脫唔清,有機會係因為條毛太幼,medilase脫毛機單用755nm激光未必可以脫埋幼毛。

 

之後去Clear脫毛,我就主要係想脫小腿,所以就淨係買咗小腿試吓先。Clear同medilase脫毛有d唔同,Clear用嘅脫毛機係用咗Saphhire藍寶石晶片技術,用咗雙效製冷功能,咁就唔怕脫毛個陣會好痛啦!而且Clear嘅脫毛機仲用10mm x 10mm嘅槍頭,每秒最多可以脫到500條毛毛,咁就可以全方位針對所有粗幼毛毛,就算有d毛毛幼d,都唔怕黑色素太少,用激光打唔到。我自己就覺得,以Clear嘅價錢,可以用到一個比較全方位嘅脫毛技術,我就會揀Clear多過medilase脫毛啦~

 

3) medilase脫毛 V.S. Clear脫毛:效果🦵

 

其實上面都有提過少少係medilase脫毛脫毛嘅效果,總括嚟講都乾淨同徹底嘅,不過就會有少少漏毛嘅情況出現(可能係個別情況啦~),記得我讀u個陣去medilase脫毛,第一次用激光脫毛係比我想像中痛,不過習慣咗之後就冇咩特別lu~每次係medilase脫毛之後,脫毛部位嘅皮膚都會有少少紅腫,通常隔半日左右就會慢慢退曬,多啲搽返d保濕lotion就ok~

 

而Clear脫毛效果徹唔徹底,我就未答到住,因為我依家只係脫咗3次,啱啱清曬小腿d毛毛,有冇漏毛或者毛毛再生,就要睇多1、2個月先知啦~不過值得講吓嘅係,本身我以為Clear話無痛脫毛+雙效製冷,只係講吓,打落皮膚到實會好刺激啦,點知Clear脫毛打嘅痛感同medilase脫毛差唔多,甚至可以話係比medilase脫毛仲要少,呢一點真係令我幾驚喜!

 

加上我係Clear脫完毛之後,皮膚紅腫嘅情況比較輕微,退紅嘅時間仲比medilase快少少添!所以加埋脫毛效果嚟睇,暫時我對Clear都幾有好感架!

 

4) medilase脫毛 V.S. Clear脫毛:服務👩‍⚕️

 

雖然我只係去過Clear同medilase脫毛,不過我諗大部分脫毛中心嘅服務都係大同小異,都係book定要做脫毛嘅日子,上到去center,等一陣入房就療程,做完就走得。其實做激光脫毛嘅時間唔會太長(除非你做大part或者全身~),如果唔係,基本上3、4個字左右就可以離開做treatment間房,所以要睇間脫毛中心好唔好服務,隨時係做treatment以外嘅時間先睇得真!

 

好似我去medilase脫毛,一開始都ok嘅,因為跟咗個手勢幾好嘅治療師,不過係medilase脫毛就唔係一對一,做完之後會有個顧問嚟同你sell吓最新做緊咩脫毛優惠plan之類。一開始我join大學生plan,可能佢都見我係學生,所以都冇sell得好勁,之但係佢知我出嚟做嘢之後,每次我去medilase脫毛,個顧問都係咁sell,每次唔講足一個鐘都唔放我走,加上冇耐之後,我跟開個治療師又走咗,所以我都下定決心要轉會~

 

講起Clear,其實我最滿意嘅就係佢地嘅服務,我第一次去Clear脫毛個陣就係登記咗free trial,本來都有d擔心d staff見我係free trial而hea做,不過又冇喎!咁我一開始我都好目標明確嘅,我同Clear嘅staff講,我想join小腿plan,所以佢地都俾我試吓係小腿位打激光,之後佢地都會講清楚小腿plan係$333。除此之外,Clear嘅staff冇再sell我,例如叫我脫手臂、脫全身,比起係medilase脫毛嘅經歷,我就覺得Clear嘅服務都幾唔錯!

 

唔覺意又寫咗咁多,希望各位唔好覺得我太長氣啦~因為知道有幾多女仔都想趁夏天之前做激光脫毛,成個body白白滑滑咁,加上medilase係好多女仔都想試嘅脫毛公司,而我自己試過Clear之後,都覺得非常值得推薦俾各位試吓,所以希望今次分享可以幫到各位啦!

 

差d漏咗講,上面話我係join Clear脫小腿plan之前,有試過佢地個free trial,如果你地都有興趣,可以去下面條Link登記試吓呀~我之前都係喺呢到登記架!

 

Link👇

免費體驗 Clear A3 激光脫毛療程