同好多港媽一樣，我都會喺人奶 同奶粉之間掙扎…好想堅持全母乳餵呀B，但返住工嘅話真係唔易，之前喺香討就見到有個Working Mum因為日日返工用3個鐘泵奶搞到同事狂呻 ！Working Mum最理想就梗係做嘢同泵奶時間都balance到，不過呢樣真係高深學問嚟～而且仲有好多unexpected嘅情況！
好似我之前咁，明明餵得呀B好哋哋，但佢無啦啦瘋狂追奶，嗰陣真係有啲頭痕，好彩嗰陣我啲媽媽谷友都好好，同我分享增加奶量嘅心得之餘，亦建議我用人奶補奶粉頂住先，實行雙管齊下！不過後來放完產假返工奶量越嚟越少，所以都慢慢shift去人奶補奶粉嘅方法。要呀B由飲開人奶轉飲奶粉嘅過程順順利利，其實我都做咗好多功課架，因為要做好多research，先了解到邊啲奶粉同人奶最似呀嘛～就等我同大家開心share吓當時點揀奶粉啦：
1.人奶脂肪令BB快高長大
之前湊呀B去健康院做檢查嗰陣，請教姑娘更多做人奶媽咪嘅貼士，佢話我知人奶裡面其實有好多脂肪，即係天然乳脂，呢d天然乳脂就係呀B快高長大嘅重要營養！如果其他媽咪遇到我嘅情況，都唔使擔心住，盡量餵人奶畀呀B之餘，都不妨試吓啲同原乳脂肪成分接近嘅奶粉，佢哋同人奶一樣含有豐富嘅天然乳脂，為呀B嘅身體補充能量之餘，亦令佢腦部、神經系統同身體能夠健康成長，所以揀奶粉嗰陣，淨係睇蛋白質有幾多係唔夠架～因為天然乳脂都好重要！
2.奶粉成分最緊要天然
每次餵完呀B飲人奶之後，再見到佢痾出黃金軟便便嗰刻，都有種難以形容嘅滿足感之前都聽媽媽谷友講過，呀B由食人奶轉食奶粉之後好易便秘，好奇之下google吓點解，先發現BB便便靚唔靚，軟唔軟，原來同天然SN-2、母乳低聚糖HMO好有關係 ！呢2種天然營養除咗可以呀B腸胃更健康，對佢腦仔發育同身體成長都好有幫助，令佢學嘢更加快，個人更活潑精靈！各位媽咪做research揀奶粉嗰陣，如果發現奶粉裡面有呢2種天然成分嘅話，代表冇經過人工轉化，能夠完美保留原乳當中嘅天然珍貴營養，奶粉嘅成分同人奶好接近，另外，單次成粉嘅奶粉令呀B腸胃更易消化吸收，飲咗都唔怕會肚仔谷谷 ！
3.奶粉有甜味？No Way！
有媽咪gp友提醒過我，奶粉味道同人奶越相似就越理想，所以一定要揀淡味零添加既奶粉，即係冇添加蔗糖同雲呢拿香料，咁樣呀B食落口就覺得味道同人奶似，冇咁易扭計唔飲，亦唔怕佢飲完奶粉飲唔返人奶啦～同埋，有甜味嘅奶粉好容易令呀B出現超重同蛀牙問題，各位媽咪要注意呀
4.可靠奶源嘅重要性
精明媽咪都知道，平時要識揀優質又健康嘅食物，先令呀B飲到有最有營養嘅人奶！同樣道理，幫呀B揀奶粉嗰陣都要好留心成分標籤，咁先可以確保呀B飲奶粉飲得安心！首先，如果見到奶粉係出自荷蘭呢啲優質產奶大國，只能夠放心一半～因為再細心啲嘅話，仲可以留意埋奶源係咪由自家農場生產，如果有得trace返奶源資料例如當地天氣、環境，甚至係成個製作到入罐過程嘅話，咁就perfect喇！
我自己做左research 之後揀左呢隻，BB 個時由人奶轉過黎奶粉都好順利～！
我都想用自己經歷勉勵各位人奶媽咪當奶水唔夠嘅時候，首先唔好畀自己太大壓力，過度擔心奶水唔夠會影響呀B身體～第一件事做嘅事係好好休息，因為壓力都會影響奶水多少喔！飲催奶茶同埋食木瓜、黑芝麻、鯽魚湯呢類催奶食物對上奶好有幫助！除此之外，仲可以食多啲含有健康脂肪同蛋白質食物，例如：豆腐、牛油果、果仁、鮮奶等等去增加人奶脂肪比例，令呀B可以盡量食到最好最多嘅人奶！
如果情況仍然冇改善，先考慮試吓一步步咁幫呀B人奶補奶粉揀返成分接近天然原乳嘅奶粉，再參考埋以下嘅轉奶tips，咁樣呀B就更易適應，同媽咪一齊順利過度呢段時間啦：
1.首先盡可能畀呀B飲到最多人奶
2.由一日一餐開始，畀呀B試吓飲奶粉先
3.睇吓呀B腸胃點，排唔排到黃金軟便便
4.如果冇問題就逐少增加飲奶粉次數同份量，如此類推
溫提：如果想呀B夜晚瞓得好啲，臨瞓前嗰餐可以餵佢飲奶粉咁樣仲可以畀多啲時間自己recover人奶添❤️
