#Family

【文末送禮】講下口罩 Maskology 口罩·學

數數手指,帶咗口罩成年有多,好彩嘅係資訊流通,令到靈活嘅港人好快趣個個成為口罩嘅專家。剛剛開始疫情嗰陣,大家都係偏向買日本製造嘅口罩,唔洗問點解啦大家都好明白。做lab嘅我要講兩句,其實邊度製造都好,如果佢哋嘅生產線、廠房、原材料等等跟足regulation有晒report(講緊合格嘅第三方公證行報告)基本上都比到消費者十足嘅信心。所以,香港雖然係生產口罩嘅初哥,但喺安全方面,我覺得係好有保證,皆因香港嘅公證行喺國際間係數一數二出名。【Maskology 口罩.學】係其中一間我好欣賞嘅香港製造口罩生產商,佢哋啲報告好齊,仲好公開透明,詳情可以睇呢度:https://www.maskology.com.hk/pages/certifications
喺未正式全民接種疫苗(或者未證實疫苗有效)之前,奉勸大家都係帶返個口罩保障自己。Maskology嘅口罩全部都符合ASTM 標準,level 3會唔會好焗?其實越高level並唔代表越焗,焗唔焗係睇原材料。我可以講,Maskology嘅口罩係我戴過幾隻牌子之中比較通爽唔焗促,好舒服,戴咗佢之後返唔到轉頭戴其他牌子添呀,真心冇誇張!
我戴緊呢隻係175mm 成人口罩 Ultra Lv 3 $138/50個一盒,圍起約$3個,比起而家市價約$2個貴少少,但係喺包裝上面,Maskology確係衛生好多(同埋都係嗰句啦,佢哋啲認證齊好多㗎!)10個一包咁樣,方便帶出街替換。
口罩越來越多花款同顏色選擇係趨勢嚟,工作關係我唔可以戴啲太花俏嘅,但唔想白色藍色咁悶?佢哋都有低調嘅純色系列!我就揀咗檸檬黃同芝麻灰。兩隻色都係175mm成人Size,但係佢個logo有d分別,連條橡筋都有分別,目測灰色耳繩係長少少,帶上面實測灰色的確係冇咁緊,大面人士或耳仔生得比較後嘅人士可以留意返。
嚟緊雨季,不如做個防水測試。PP不織布面料同里了都防水,雨季絕對頂得順(講緊微雨但冇帶遮/勁大雨有帶遮嘅情況下)
我同老公面形屬於大,大家戴175mm差唔多。鼻位條鐵線唔會太硬,兩邊尾端無插出嚟,里料親膚,對於我呢啲郁啲都敏感痕癢嘅麻煩友真係喜訊嚟,舒適度我比滿分!佢哋有出160mm日本碼口罩,細面女士或者中童可以考慮吓呢個size(聽講帶呢個size有小顏效果㗎~)講開又講,Maskology呢個品牌嘅誕生,正正係為小朋友而創立,所以佢哋小童口罩都有幾隻唔同Size,十分之齊,仲有cross over好多小朋友鍾意嘅公仔圖案,最近就出咗男孩最愛TOMICA,相信呢啲得意嘅圖案會令小朋友對戴口罩呢件事冇咁抗拒。唔係太sure咩size適合自己或者小朋友?唔洗驚買錯,因為Maskology終於有第一間實體店!門市《Maskology Living》位於旺角新世紀廣場2樓210號舖!可以摸下度下先買,仲有大量優惠,詳情自己睇佢哋個page:https://www.facebook.com/maskology.hk/posts/284009016568441
除咗得意公仔,Maskology仲有型格系列(淨色)同埋櫻花系列,一樣係ASTM level 3。很想要吧?而家送出100個Maskology嘅特別版口罩! 名額如下: 小童size:142mm x 10 pcs(3位) 女士/中童size:160mm x 10 pcs(3位) 成人size:175mm x 10 pcs(4位) 詳細玩法: 1. like maskology facebook https://www.facebook.com/maskology.hk/ 2. like popcorn express facebook http://www.facebook.com/popcornellie 3. like and share post 4. 留言 「我想試 #MIHK #maskology 口罩」然後 tag 3位朋友 Terms and Conditions -只限香港地區參加。 -得獎者將會以inbox通知,屆時選擇想要嘅口罩size,先覆先揀。 -獎品只會以平郵方式送出,拒絕提供地址者勿排。 -如有任何爭議,本專頁將保留最終決定權及一切權利。 -截止日期:2021年4月18日 Maskology https://www.maskology.com.hk/ https://www.facebook.com/maskology.hk/ 門市地址:旺角新世紀廣場2樓210號舖 **產品/產品資料由品牌提供,真心分享。歡迎電郵查詢。 ngayiellie@gmail.com http://www.facebook.com/popcornellie http://instagram.com/popcornellie http://popcorn-express.tumblr.com

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

popcorn55
八十後在職媽媽,從無憂無慮的二人世界跳到憂柴憂米的三人家庭。因為工作關係,過著男主內女主外的生活。每天忙著返工和吃喝玩樂,決定以「最少的時間留著最多的青春」為人生課題。