#Beauty

30分鐘皮膚晶瑩剔透?iCell Double Peel 去死皮療程

熟我嘅朋友都知我成日講我有部導出導入機,我晚晚都好勤力導出,導出完塊化妝棉黃甘甘…係唔係我冇洗面?梗係唔係啦!洗面膏只可以洗到皮膚表面嘅灰塵,導出可以導出皮膚嘅老壞角質。家用機美容儀我覺得好有用好handy,但當然家用級別,功效始終唔及美容院儀器持久同深層,所以我認為一個月一兩次出去美容院做過深層清潔係好有必要嘅!有清潔乾淨嘅毛孔,護膚先可以事半功倍加嘛,如果唔係買到幾貴幾靚嘅護膚品都只係浪費金錢!介紹下銅鑼灣iCell,佢哋最出名係做生髮活髮護理,原來醫美療程一樣都好好,我今日就上嚟試下佢哋嘅Double Peel 去死皮療程!

講到去老化角質,做peeling大家都應該唔陌生。之不過我個人就唔係太過鍾意果酸(因為我有啲啲敏感),亦唔鍾意磨砂(都係因為我易敏感…)iCell呢隻Double Peel 去死皮療程,就可以做到唔傷皮膚、2倍去屑、美白嫩膚、收毛孔效果,啱晒皮膚易敏感嘅絲打呀!

iCell用啲料全部靚料嚟,呢隻意大利DIbi酵素面膜我以前都入過手,正嘢嚟㗎!3種植物酵素粉末 + 活膚抗氧精華,可以快速溶解老舊角質、加快老死細胞脫落!

Double Peel嘅第一重就係用Dibi酵素面膜,敷嗰陣會覺得有啲氣泡,好得意,好溫和,唔乸唔刺激,香味勁舒服~

第二重Peel係做Aqua Peel儀器機,利用負壓吸吸頭,將毛孔裏面嘅油脂死皮一併吸走。「雙向引流」技術,皮膚嘅污糟死皮吸入去,精華就導入皮膚。一共會做全面3 round,過程冇刺激感。

治療師手勢好好,佢見我鼻翼位特別污糟,會幫到吸多幾吓,好細心呀!

我晚晚都導出,治療師都話我啲皮膚唔算好污糟,不過Double Peel依然幫我導出到好多深層嘅油脂污垢,望下杯水就知分別!聽治療師講,有啲客人係污糟到見到一粒粒黑頭油脂粉刺係杯水度飄飄吓添呀!長期咁有呢啲污糟物塞喺毛孔入面,會撐大晒啲毛孔,你都咪話唔驚驚!

最後會敷返個保濕舒緩mask添,呢個時候可以訓返個美容覺喇!爽!

講真我本身都好勤力護膚保養,但做完Double Peel皮膚嗰種剔透感真係有肉眼睇得到嘅分別,毛孔細緻返,皮膚有返光澤!個效果都好持久,而家做完一個星期喇,皮膚手感依然好滑溜呀!我去過第二度做過深層清潔,做完嗰幾日會瘋狂爆瘡,但iCell呢個療程就冇咁嘅情況,我覺得幾好,唔怕自己手痕唧又搞到一面係印…而家有免費試做名額50位!有興趣試下iCell Double Peel同其他啲Peel有咩分別?快啲登記啦!

 

分店地址︰銅鑼灣渣甸街25號金利隆中心17樓全層
Facebook: https://www.facebook.com/icellhairregrowth
電話/Whatsapp:2880 5318 / 9531 8575
預約登記:https://api.whatsapp.com/send?phone=85295318575

 

#—icell #icellmedical #skin #beauty #hkbeauty #pore #acne #oilyskin #深層去角質 #深層清潔 #超過10年經驗

 

**產品/產品資料由品牌提供,真心分享。歡迎電郵查詢。

 

ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com

 

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

popcorn55
八十後在職媽媽,從無憂無慮的二人世界跳到憂柴憂米的三人家庭。因為工作關係,過著男主內女主外的生活。每天忙著返工和吃喝玩樂,決定以「最少的時間留著最多的青春」為人生課題。