#Food

❤搵食地圖❤榮華臘腸雞蛋仔,究竟係創意……定係伏。。。銅鑼灣--百變蛋君

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

Advertisement

❤搵食地圖❤唔知係創意……定係伏。。。
銅鑼灣--百變蛋君

銅鑼灣天后一帶小食舖頭越開越多,品種琳瑯滿目,食物種類千奇百趣
 
今日見到好多人排隊買雞蛋仔,北角有出名嘅雞蛋仔大家都知道
咁呢間新開嘅見到有人排隊又想入去試下
 

 佢menu有嘅嘢,我真係諗唔到
蘋果批mix雞蛋仔,咖哩薯仔雞蛋仔 ,好似奇奇怪怪咁
咁安全啲,我覺得芝士應該最安全
講真我想食嘅係雙重熔岩芝士雞蛋仔
店員一直推銷我,叫我試下招牌臘腸雞蛋仔
其實我真係覺得臘腸喎,真係可以max雞蛋仔
見店員咁落力推銷,咁就試下啦
 
因為佢即叫即整,其實都要等一段時間
在等候期間,我見到另外一位店員 ,一直推銷招牌麻薯糖不甩雞蛋仔
我即刻心諗,點解佢要推銷我臘腸雞蛋仔,唔推介啲正常啲嘅雞蛋仔比我, 唔通我畀人嘅感覺真係咁鍾意試新嘢
我覺得麻薯糖不甩雞蛋仔,好似正常過臘腸雞蛋仔 ,我個心即時向下沉左一沉
心諗,死啦,會唔會好伏㗎
等咗一段時間攞到手,覺得雞蛋仔做得都脆嘅
真係有好香嘅臘腸味,我以為我叫嘅係榮華臘腸雞蛋仔,點知我後黎睇返,原來我叫嘅係臘腸芝士雞蛋仔
 
我食完都唔覺有芝士味,所以我以為自己一直食緊係臘腸雞蛋仔,因為佢個臘腸咪真係好重,我一啲雞蛋仔味都食唔到,淨係食到臘腸味,我覺得自己係食緊雞蛋仔口感臘腸
 
而佢嘅臘腸味非常濃郁,直到我食完個雞蛋仔
佢D臘腸味,一直在我個嘴入面揮之不去
 
我相信佢個雞蛋仔底嗰漿同調較嘅份量,製作時間出黎嘅雞蛋仔應該係好食嘅
但係我淨係食到臘腸味…
我都鼓勵食店有新創作嘅
所以我下次會食原味雞蛋仔
我到時再同大家報告啦

♥關於兔兔子♥ 

 
♥兔兔子♥多年來一直從事各類型美容化妝工作,熱衷於同大家分享美容化妝、修身美食、寵物、旅遊及整理生活等等! 喜歡分享,熱愛生活,和大家一起做最好的自己♥ 歡迎聯絡試用、試食或出席活動事宜 Email:xsbunny313@gmail.com

FB:兔兔子的後花園

IG:兔兔子的後花園

Advertisement

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

xsbunny31393
分享美容化妝、塑身美食、寵物、旅遊及生活趣事等!