#Beauty

日本殿堂salon級 ADJUVANT Re:>>>「電」「糖」營養護髮系列

Adjuvant呢個牌子喺日本幾出名,如果有睇開日本女性向雜誌就會留意到。唔知大家知唔知,而家國際貿易咁發達,好多時啲品牌話自己係日本嘢,只不過係啲egm嘢,喺日本根本冇人識…所以唔好見啲title寫日本兩個字就9衝,要多用埋搜尋器望真啲係咪真係日本本地有得賣先好呀(幾時都話要fact check…!)嗱,Adjuvant係堅嘅,而日本嘅好嘢一向都唔外流,所以香港少人知真係唔奇。好嘢冇人講?唔緊要,咪我講囉。佢哋由護膚品到化妝品到body都有,好齊㗎!佢哋嘅防曬超好用,我已經用清過兩支喇!今次主要想推推佢哋嘅 Re:>>>「電」「糖」營養護髮系列,個名咁怪嘅?點解呢?

ADJUVANT嘅「電」「糖」營養護髮系列,一共有4種配方(「防敏感護理」、「頭皮護理」、「修復護理」及「防褪色修護」)全部不含化學起泡劑,減少對頭皮嘅刺激。頭髮由角質蛋白及水分組成,當中角質蛋白佔80~90%,頭髮結構分為鱗狀表皮層、皮質層及髓質層。為了增強功效,市面上唔少護髮產品均含有化學合成起泡劑,破壞頭髮角質蛋
白,髮絲缺乏營養就會變得容易折斷,而且其滲透力高,令頭皮變得敏感脆弱,引致炎症,甚至導致脫髮問題!ADJUVANT 利用蠔及椰子萃取天然潔淨成分,配合PLP擬似細胞膜成分及DCP營養修護,保護髮絲內的受損蛋白質,讓秀髮回復滋潤、彈性及強韌,長久使用有助預防脫髮斷髮添!

淺紫色呢隻係 Re:>>>Platinum防褪色修護系列 Color Protection Series,針對漂染或嚴重受損髮質,中性至油性頭皮適用。呢個系列有洗頭水同修護霜,配方糅合向日葵種子萃取物、玉蜀黍蛋白質ZEIN、Pellicer、角質蛋白、膠原蛋白、辛基十二醇月、桂醯谷胺酸酯,有效防褪色、防止水分流失、預防鱗狀表皮層受損、增加髮絲強韌度。樽身入面有塊膠樹葉,係Adjuvant嘅signature,有咩用?佢哋嘅洗頭水係透明嘅,塊葉係用來indicate返用剩幾多㗎~日本人嘅design係咪好窩心呢(笑)

Day 0
我漂染頭髮歷3年以上,底下啲頭髮基本上已經係冇得救狀態,只係我自己懶得去剪啫。老實講,頭髮同「人死不能復生」同一個道理,我唔會同你講用完Adjuvant呢套「電」「糖」營養護髮系列就會變到好柔順,但佢真係做到修護同埋減少斷髮。

Day 5

Day 10
因為我本身斷髮嘅問題十分之嚴重,斷咗嘅地方開晒叉已經係冇得救。以上圖片為真實效果,冇filter冇刻意吹頭或者夾靚個頭,我覺得用咗兩星期咗右,最明顯嘅係:

斷髮少咗
頭皮冇咁痕冇咁敏感
甩少咗頭髮
手感順滑咗、頭髮冇再鋼絲刷咁
少咗打cake
香橙味好舒服用完個人好relax

我就覺得好Work好好用!!你話:咁我用平時啲護髮素大大pat咁搽落啲頭髮度都得啦!唔係囉…係嘅,你用啲有silicon嘅洗髮護髮用品,「假柔順」嘅效果係一定有,但呢啲嘢其實好傷頭皮,塞住頭皮啲毛囊,長期用得不嘗失,甩晒啲頭髮嗰陣喊都無謂。如果頭髮/頭皮嘅健康唔好,首先係停漂髮(我停咗喇),同埋要用返啲有真正營養嘅洗髮護髮產品。推介日本殿堂salon級 ADJUVANT Re:>>>「電」「糖」營養護髮系列比大家。而家有85折優惠,詳情可以去呢度:

 

網址: http://www.adjuvant.com.hk
Facebook: http://www.facebook.com/adjuvant.hk
Weibo: http://www.weibo.com/AdjuvantHK
查詢電話: 2311 1322

 

**產品/產品資料由品牌提供,真心分享。歡迎電郵查詢。

 

ngayiellie@gmail.com
http://www.facebook.com/popcornellie
http://instagram.com/popcornellie
http://popcorn-express.tumblr.com

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

popcorn55
八十後在職媽媽,從無憂無慮的二人世界跳到憂柴憂米的三人家庭。因為工作關係,過著男主內女主外的生活。每天忙著返工和吃喝玩樂,決定以「最少的時間留著最多的青春」為人生課題。