#Travel

初住四季酒店 #Staycation

疫情期間,大家都不能出國外走走,加上酒店推出不同的優惠,我就去了位於港島中環的四季酒店,以解一解留港之悶。

今次用了新地商場的APP去換個優惠,折後約$1,800晚。酒店平常的價位不低的哦,今次成功「以低吸納」,真係好抵 (笑) !每日的下午3點Check-in,雖然當日的人不少,但好快就安排好房間。

今次我住的是城市景的房間,房間雖然係最基本的房型,房間的空間感仍然寬躺。窗夠大夠開陽,整體好舒服。休息了一會,我就出外走一走,到了大約7點才返到酒店,準備到6/F無邊際泳池拍照打卡。

回到酒店房間更衣,發覺酒店送了一枝Prosecco氣泡酒及朱古力,作少少的周年禮物 (在此再說聲謝謝)。

幸好當日於泳池的人不多,可以輕鬆於泳池拍出維港的景色。

第二日早餐有三個選擇:在房間或Lounge享用、一份早餐,或到Ballroom享用自助餐。我就選了後者。早餐的選擇款式不少,而且因疫情的關係,會有職員幫忙取食物。食物的質素不錯,而我最鍾意佢的烤南瓜。

我呢兩年有個去酒店Spa的習慣,雖然價錢唔平,不過約埋知己係weekend嘆1-2hr,比忙了幾個月的自己好好restart一番。

今次係check out後,我就去到四季酒店Spa去做返1hr Balance Flow瑞典式按摩。入到Changing Room範圍,有個都幾大個按摩池,佢入面有張鐵的櫈,可以著住泳衣係入面relax下。唯一有點可惜的係,入面的設施欠缺一個靚的海景 (Sad)

到差唔多鐘數,就有人接我上按摩的房間。房間乾淨企理,最正當然係個海景啦!

我之前都去過半島做spa,按摩師的手勢同四季比較都係差唔多,都係幾舒服,但個view就一定係半島正D。

做完我做開開心心去了四季薈買鬆餅,每個$28包埋Clotted Cream同Jam。食之後我有用焗爐用160度焗返6分鐘。食個時D牛油香到不得了!下次經過會再買。

| 品牌合作 | 出席活動 | 產品試用 | Email : bingfooddelivery@gmail.com

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

冰糧派出所
大吃大喝之芭蕾女孩。最愛線條簡單、性格傻傻的奇怪東東。十分喜愛去嘗試新野 \(//∇//)\ | 品牌合作 | 出席活動 | 產品試用 | Email : bingfooddelivery@gmail.com