#Beauty

【護膚新手值得投資 – Fresh紅茶酵素精華水】


空氣污染就係肌膚老化最大元兇之一,環境嘅侵害,

如:陽光、紅外線、空氣污染等,對皮膚不但帶嚟傷害,

當中產生嘅自由基更會令皮膚失去彈性、皺紋、色斑逐一浮現。

女生喺20歲左右就會開始長出第一條皺紋,
所以更要做好保養,為自己入手第一支精華水。

我就會投資一瓶Fresh嘅紅茶酵素精華水,滿足護膚唔同需要,

用時只要輕輕一抹,即可保護同時平衡肌膚狀態。

我最喜歡Fresh嘅紅茶酵素抗污染精華水成份天然而且氣味好討好,
重點係能夠為下一步護膚程序做好準備,
能大大提升後續吸收力,搽精華同面霜效果更加顯著。
多功能配方可以每日早晚潔面後使用,
主要成分Kombucha紅茶酵素能對抗污染同自由基,能提亮膚色,維持肌膚幼嫩,
除外,其他成分蘊含透明質酸、柑橘果皮萃取同非洲臘腸樹果萃取等,
可以一take過補充皮膚水分、均勻膚色、提升彈性同時對抗藍光。
唔講你唔知,電子產品所發出嘅藍光除咗令視力受傷害外,
連帶皮膚都受到影響,導致色素沉澱、色斑、暗啞同皮膚老化問題。

我用光光過兩支呢個精華水,強烈推薦大家嘗試使用作第一支精華水
價錢親和而且能夠為下一步護膚程序做好準備,
絕對係護膚新手值得投資嘅護膚產品。

一直好喜歡Fresh產品嘅包裝,優雅磨砂瓶身質感,
再加上法國建築物嘅design,使用時心情都特別愉快。

質地清爽,加上淡淡茶香用起嚟好fresh好舒服,

由於精華比較水盈,因此好容易被皮膚吸收,
長效保濕、肌膚明顯更亮澤具光感。

我會每日早晚都使用精華水,直接以指尖輕按面部同頸部,

作為第一個修護步驟,用後皮膚水潤漲卜卜,能消減細紋。
可保護同時平衡肌膚狀態,轉季時份皮膚相對易乾燥甩皮,
而且有時更會泛紅、敏感,而精華水成分天然,
使用後皮膚完全唔會有不良反應,反而能作出鎮靜肌膚效用,
持續24小時帶來潤澤。
10月份喺Fresh官網購物滿HK$800,即可任選3片試用裝+3款美肌隨行裝,
禮物高達HK$400,對自己好啲,入手值得投資嘅精華水。
 
免責聲明: 是次產品/產品資料由品牌提供, 本文章內容屬個人意見及感受,
並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢 
#Fresh紅茶酵素精華水 #Fresh #Freshhk

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

ms_jovi
小個子,卻擁有大無畏精神。 不甘安於平淡OL本份, 本著人一世物一世的態度乜都想試想知。 我不完美,可是我愛自己,懂得欣賞自己的好, 感欣自己所擁有的。 Blogger ● 日本麗乾花導師 ● 小小OL