#Food

【自家煮】簡單易做。消暑開胃的 ♥ 日式冷麵 ♥ 冷蕎麥麵 ♥ 櫻花蝦冷麵

雖然就嚟中秋,但是天氣仍熱悶熱
何況早前盛夏的天氣 …
有時無咩胃口,不想食太多
儍媽鍾意簡簡單單食個冷麵,清涼消暑又開胃
食材簡單又易做
只需預備麵條、鰹魚汁 (冷麵汁)、紫菜
煲滾水,跟著包裝指示煮熟麵條,用清水過河後,倒入冰水中冷卻一陣
將麵條瀝乾水份放在碟上加點紫菜絲,再配上冷麵汁就食得囉 !
放點櫻花蝦在麵條上,就是賣相又靚又美味的 … 櫻花蝦冷麵
冷麵麵條可以用素麵或蕎麥麵
囝囝囡囡鍾意白色的素麵,素麵較幼,入口較滑身和煙靭
儍媽就鍾意深色的蕎麥麵,麵質較爽口,帶點蕎麵獨有的味道
冷麵汁就用現成的鰹魚汁,方便快捷
跟著包裝指示加水或冰稀釋就可以囉 !
儍媽用這款鰹魚汁只需加一份水去稀釋,就是冷麵汁喇 !
如果喜歡味道濃點,可以加少點水入去
我們也鍾意加點紫菜絲、蔥粒和 wasabi 一起食,味道更豐富
鰹魚汁除了用來作冷麵汁
只要跟著包裝上面的指示加水調配就可以做其它日式料理
關東煮、丼飯、涼拌豆腐、汁煮茄子 …
將一份鰹魚汁加 3-4 份就可以煮成日式湯麵的湯底

** 以上分享是以我的口味、喜好和情況作出分享及感受,一試 / 合用與否請自行決定

** 本網誌內所有文章和圖片均屬本人所有,歡迎參觀。圖文如欲轉載,請先聯絡 cheungester@gmail.com ! 如發現未經授權使用,本人將保留一切追究權利 ! 多謝合作 !

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

estertingho
一個要應付兩隻小魔怪‧鍾意飲飲食食‧閒時四圍遊‧又貪靚的在職媽媽