#Food

【自家煮】宅食日常。7 月食事記錄

話咁快又一個月喇 !!!

講吓我家上個月的抗疫宅食紀錄 …

在街市見到紅菜頭,買咗一個嚟煲湯

先將隻咸豬手出水煲了啖湯再氣炸

有湯飲又有菜和肉食,啖湯清甜又唔油膩

→ 紅菜頭粟米紅蘿蔔湯。氣炸咸豬手。蒸蝦乾魷魚乾

→ 蝦乾浸娃娃菜。氣炸豬串骨。麻醬豆腐

 

在超市買咗袋薯仔,本來想整焗薯

最後切薄片放入氣炸鍋整咗薯片,又幾好食喎

仲好啱三隻魔怪的口味,4 個薯仔的薯片一陣間就被佢哋 KO 咗

今年囡囡的生日簡簡單單買了個蛋糕在家慶祝 …

下年至與妳出去食大餐,逛街 shopping …

不過這個帝京酒店買的君度香梨朱古力蛋糕好好食

朱古力味又香又濃,入口又不甜膩,可以再 encore

在超市買咗件鴨下庄返嚟用氣炸鍋整燒鴨,賣相和味道都不錯

不過唔記得買埋蘇梅醬,總係感覺差咗少少

→ 氣炸燒鴨。蜜糖豆炒豬腩肉

整咗囡囡想食的 → 韓式辣炒年糕

終於買到 delifrance 急凍牛角包

無需解凍,放入氣炸鍋氣炸就食得

簡單方便又好食,下次要入多幾包存倉先

夏天最啱食涼拌菜,加了少少韓式辣醬做咗個辣拌翠玉瓜

→ 辣拌翠玉瓜。煎牛舌。鮑汁生菜

唔知食咩好 …

將雪櫃啲存貨煮了一餐

→ 娃娃菜魚蛋湯。粟米肉粒。牛油焗雜菌

數子屋入貨時買的急凍薄餅

無需解凍,放入氣炸鍋 200 度 氣炸 5 分鐘就食得,方便快捷又抵食

可惜屋企個冰箱唔夠大,如果唔係買多兩盒存倉慢慢食

有儍爸想食的白菜魚片湯、囝仔愛吃的瑤柱蛋

仲有數字屋特價的慢煮燒烤豬仔骨,放入氣炸鍋氣炸翻熱食得

→ 煎牛扒。牛油香草焗鱈魚柳。蠔油炒生菜

→ 炒油麥菜。焗蒜香茄子。蜜汁雞翼併腐乳雞翼

估不到氣炸出來碟雞翼一黑一白,賣相不錯喎 !

其實本來想整腐乳雞翼,但是囝仔囡囡話唔食腐乳,咪醃咗幾隻我地倆老食囉 !

點知佢地試咗半隻之後就爭住食,下次可以整多啲 …

周末唔想煮,簡簡單單咁又一餐 …

→ 鰻魚飯。生蝦刺身。涼拌菠菜。中華沙律

好耐冇食嘅雞批,還有囝仔愛吃的蛋撻

其實只係叫儍爸買罐吞拿魚返嚟整三文治

罐頭吞拿魚就買唔到,換咗兩款吞拿魚零食 ….

一大桶韓國吞拿魚脆片 + 一大包日本吞拿魚粒

→ 上湯蝦乾浸娃娃菜。焗鯖魚。氣炸蜜汁雞鎚

→ 蟲草花蒸雞。灼生菜。麻醬秋葵

在櫃桶搵到兩盒上次韓國旅行買的果茶

沖杯冰凍熱情果茶再加多件氣炸西多士,就係一頓美味的下午茶 ~~

** 以上分享是以我的口味、喜好和情況作出分享及感受,一試 / 合用與否請自行決定

** 本網誌內所有文章和圖片均屬本人所有,歡迎參觀。圖文如欲轉載,請先聯絡 cheungester@gmail.com ! 如發現未經授權使用,本人將保留一切追究權利 ! 多謝合作 !

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

estertingho
一個要應付兩隻小魔怪‧鍾意飲飲食食‧閒時四圍遊‧又貪靚的在職媽媽