#Beauty

對抗口罩粒粒 MEDIHEAL幫緊您幫緊您

由1月份戴口罩戴到宜家,平時唔多生暗瘡的我,皮膚都頂唔順愈爆愈密。韓國神級面膜牌子MEDIHEAL原來出了隻「茶樹舒緩護理保濕導入精華面膜」可以有效對抗面上的油光同埋暗瘡,幫您重拾靚靚的皮膚!

「茶樹」呢個成份對大家應該唔陌生,佢係針對暗瘡的No. 1成份,我青春期爆到成面都係粒粒,我都係靠佢陪我過渡呢個難關。除了可以去痘消炎,茶樹仲有舒緩泛紅敏感,同埋調節油脂分泌,真係一個好好用的成份。

MEDIHEAL 茶樹舒緩護理保濕導入精華面膜,除了豐富的茶樹萃取,仲加入可以有效舒緩皮膚的洋甘菊萃取,360度幫緊您(幫緊您)皮膚的發炎情況。每片面膜都有滿滿的精華,我一拎上手就成手濕曬啦!!

一盒十片的面膜,用了薄薄的面膜維素材質,敷上面後非常貼面,就算邊WFH邊敷面膜,都完全無問題!(笑)

我揀面膜除了揀成份外,面膜的剪裁同樣重要!我自己就唔係好鍾意日本面膜的剪裁,一般都會遮到我的外眼角。來自韓國的MEDIHEAL面膜除了D眼鼻咀的Cutting好,仲可以包得晒我塊包包面,就連下巴都可以包到!

提提大家,係呢段無得做Facial的日子,護膚更加要做得更足!除了要做好皮膚清潔的步驟,仲要揀適合自己皮膚所需的面膜。每星期敷2-3日,咁先可以Keep到皮膚的膚質。

正貨小Tips:現時係市面上都有好多MEDIHEAL面膜買,但原來係面膜紙上印上MEDIHEAL Logo先係正貨黎架!如果大家驚買到假貨,都係建議大家去返正貨零售商購買產品,咁就買得安心,敷得開心啦。

MEDIHEAL 茶樹舒緩護理保濕導入精華面膜(一盒10片)
功效:舒緩抗敏、控油淨化
正貨零售商:萬寧、Colourmix、MORIMOR、華潤堂、DFS
品牌網頁:https://www.mediheal.com.hk/

——————————————————————————–
雖然產品由MEDIHEAL提供,但我真係鍾意先會打以上的分享哦!
| 品牌合作 | 出席活動 | 產品試用 | Email : bingfooddelivery@gmail.com

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

冰糧派出所
大吃大喝之芭蕾女孩。最愛線條簡單、性格傻傻的奇怪東東。十分喜愛去嘗試新野 \(//∇//)\ | 品牌合作 | 出席活動 | 產品試用 | Email : bingfooddelivery@gmail.com