#Beauty

【終於同泛紅問題講bye bye 我的神仙水用法不私藏大公開】

我嘅皮膚一向易敏感,雖然唔係風輕輕一吹肌膚都會泛紅,

但敏感絕對係家常便飯,要揀啱合適嘅精華真係非常困難。

但今日我要介紹一件帶我走出「護膚品迷宮」嘅好物畀大家!

無錯!就係SK-II嘅神仙水。

自從用咗神仙水後,唔單止舒緩咗我皮膚泛紅同敏感問題,越用得耐,

仲發掘到唔同神仙水用法,可以針對唔同肌膚需要,解決到更多皮膚問題!

更可以取代唔同功效嘅護膚產品,皮膚轉好自然心情都好啲,

等我將其中兩個神仙水用法同大家分享,一齊向夢寐以求嘅BB肌進發!



先講講我嘅膚質先,我屬於輕微敏感肌,

好多時轉季都好易脫皮、乾癢,生暗瘡,連帶影響上妝都唔貼服,

搞到我自信心跌到最低點,成日都覺得自己好唔靚。

喜愛神仙水除咗用法多多,而且一支就有多效護膚效果,

能夠保濕、收細毛孔,同時提亮膚色,更加可以協助我穩定膚質,

無咁易受天氣影響而泛紅敏感,效果真係無得頂,我依家可以省略好多護膚品,

簡單爽膚水加神仙水再用面霜已經夠我肌膚所需,皮膚負擔都少啲。

早兩年不停爆瘡同暗粒,皮膚真係好差。

依家keep住用神飽水一段時間D皮膚真係好好多。

初初接觸神仙水時果陣嘅皮膚,當時係我生得最多暗瘡嘅時刻,

再加上工作壓力不停爆瘡同暗粒。

去到門市聽完BA分享好多神仙水用法,開始用咗神仙水一段時間之後,

發現底層嘅污垢慢慢逼返出嚟,皮膚代謝穩定返,

一步一步改善暗瘡同痘印問題,連帶皮膚泛黃暗啞同膚色不均嘅問題亦有改善。

而且神仙水質地呈水狀,超透薄,簡單拍上肌膚已經好快就吸收,

搽上面都唔會有厚重感覺!

長時間喺冷氣吓工作再加上壓力大,皮膚好易出事,睇落又殘又暗啞,

第一個同大家分享嘅神仙水用法係將神仙水作為濕敷之用,

能極速為皮膚叉下電,幫皮膚去除暗啞、乾燥。 

平時放假係屋企,我都會睇下書,

睇書既時間最適合使用濕敷神仙水嘅用法,可以急救同改善粗糙肌膚。

每次用後都覺得肌膚光澤度有所提升,仲相當緊緻飽滿;

針對性敷喺毛孔粗大缺水等位置作修護,明顯短時間能令皮膚充滿水分,

毛孔無咁覺眼,整個感覺真係好神奇,效果相當明顯,仲可以改善水油失衡問題。

如果妝前使用,更加可以令到妝容貼服度大大提升。

另外,有時我都會敷一塊係嘴唇上面,幫雙唇補補水,減淡唇紋!

 

第二個想分享嘅神仙水用法,就係先倒出適量嘅神仙水喺手心然後直接輕拍上肌膚。

原來神仙水中當中含 90% PITERA™,可以減少皮膚表面老廢角質形成,

同時平衡肌膚新陳代謝。神仙水用法亦都好簡單,直接輕拍喚醒肌膚就可以,

肌膚即時睇落晶瑩剔透,顯得更有活力。

長期使用更為可以令膚質更穩定,本身容易敏感泛紅等嘅問題大大得以改善,

而且暗瘡印亦比以往加快減淡。 

注意鼻翼、嘴角等細節部位都要護理,亦要記得擦拭埋前頸同後頸位置,

令面同頸嘅膚色更加一致,唔會出現色差。

 

可以見到使用神仙水後,皮膚即刻飽滿得多,而且光澤度亦即刻提升咗,

膚質同毛孔更細緻,用後係會有肉眼可見嘅分別,

特別一啲微微泛紅嘅皮膚,亦都可以喺短時間內得到穩定,相當利害。

今次同大家分享神仙水用法到此為止,但其實神仙水用法又點止以上呢兩個,

你嘅獨門神仙水用法又係咩呢?快啲同我一齊分享一下你嘅神仙水用法啦!

Facebook:www.facebook.com/SKIIHK
Website:https://bit.ly/3d7hZxU

聯絡MsJovi:

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,

如需協助或希望獲得更多有關產品資訊, 請直接聯絡該品牌查詢  

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

ms_jovi
小個子,卻擁有大無畏精神。 不甘安於平淡OL本份, 本著人一世物一世的態度乜都想試想知。 我不完美,可是我愛自己,懂得欣賞自己的好, 感欣自己所擁有的。 Blogger ● 日本麗乾花導師 ● 小小OL