#Food

Cassie X 九重鮮 | 飲飲食食 | 黃埔韓式海鮮火鍋專門店 任食多款貝類海鮮及韓式料理

最近成日都話想去邊度旅行就去食住個度嘅菜式止下口痕,所以我緊係要係咁食韓國菜啦!今次俾我搵到依間黃埔韓式海鮮火鍋專門店「九重鮮」真係好韓!九重鮮主打不落一滴油、無味精的純蒸煮方式帶出海產的原汁原味,肉質彈牙唔乾身。



佢主打九重海鮮塔,有三種套餐,梨花塔、弘益塔同高麗塔,愈貴就當然愈多海鮮。我就揀左中間價格嘅弘益塔,包鮑魚、帶子同龍蝦等海鮮之外,仲可以任食多款韓式料理,包括炸雞、醬油蝦、海鮮泡菜煎餅、魚糕串及韓式炒年糕等等,更有多款精緻甜品和沙律吧,仲未完…最後仲有個粥底係最下面!!!成但套餐最平都至係$268,可以食足兩小時!此外,只要在餐廳消費,客人便可以免費試著韓服,又有得食又有得玩,會唔會太正!



啲海鮮食落好驚喜好新鮮,件龍蝦好大隻,啖啖肉!食完自己套餐之後就可以去出面攞四款貝類海鮮,包括沙白、白蜆、沙蜆、番薯蜆,另外都可以寫紙叫大頭蝦或海蝦,推介大家一定要食海蝦,係超級新鮮,上到枱仲跳緊,真係好鮮甜!!


串燒方面,有15款不同口味可以選擇,包括以孜然粉、香草等16種調味香料醃製的牛脷串、燒豬頸肉串、煙肉蘆筍卷串、京蔥牛肉卷串及孜然肉棒等;烤肉方面,客人可以一次過品嘗日韓台泰的烤肉口味,有和風味的照燒七味牛、韓式一口牛、烤多春魚、蒜茸牛油燒金菇、水牛城雞中翼等等。另外,亦有不少炸物,例如韓式辣醬炸雞、黑松露芝士炸雞、吉列蝦、日式天婦羅等,香脆可口! 個粥底我揀左泡菜粥,其實未食過泡菜粥,但食落又ok喎,份量真係好多,明明只係2個人,但我覺得有3至4個人份量。最後每位仲奉送原個焦糖布甸椰皇子甜品一客,保留椰汁燉製入口即溶的椰皇啫喱,香軟嫩滑,椰香濃郁!



九重鮮 (紅磡)
紅磡黃埔天地聚寶坊(第11期)地下G26號舖

.
歡迎合作試用·邀文·出席活動

Email : cwycassie@gmail.com

Instagram: @cassiecwy | @cassiegetfat

Facebook: @cassiegotravel

Blog: Ublog | Girlab | BeautyExchange | Blogspot | Girlssss
.

免責聲明:

本文章所發表的全部內容均屬個人意見及感受,並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

*本頁面的文章內容由Blogger撰寫、提供及發佈,不代表本站立場。本站對所有Blogger文章的圖文內容、立場、真實性、資料準確性,均不負任何法律責任。

cwycassie
歡迎合作試用·邀文·出席活動~ 我的頻道: https://www.instagram.com/cassiecwy https://www.instagram.com/cassiegetfat https://www.facebook.com/cassiegotravel 我的部落格: https://cassiegotravel.blogspot.com/ http://beautylife.hk/home.php?mod=space&uid=257048 https://girlab.hk/author/cwycassie/ https://girlssss.com/author/cwycassie/ 我的平台: 小紅書 / OpenRice Lv4 / 大眾點評 Lv5 / Retty / TripAdvisor Lv5 / Google Lv6 / BeautyExchange