疫情持續
繼續宅在家中吃喝睡 …
繼續我的宅食日常 …
繼續煮我的飯 …
燒汁豚肉金菇卷
煎鯖魚
重點是碟生菜 ※ 上面加咗幾隻即食鮑魚仔，即刻升呢 ~~
外出要百幾蚊一份的咸豬手，自己在家做成本低也不難做
用氣炸鍋做出來的咸豬手，外皮酥脆
加上自家製酸蘿蔔和醃青瓜，酸甜開胃，也可以解膩
儍爸在街市見到好耐冇食的墨魚
也好醒目咁買埋西芹返來比我，咁當然炒了一大碟 … 西芹炒墨魚
墨魚超厚肉，爽口彈牙
還有愛吃的氣炸花螺
講到愛吃的海鮮，首選就是 … 蟹
這晚就揀了膏蟹 … 清蒸膏蟹
簡單易煮，又最能食出蟹的鮮味
→ 用牙刷洗乾淨洗乾淨膏蟹，隔水蒸 20 分鐘就食得
係咪好簡單呢 !!!
雪櫃有兩碗剩飯
買了半斤蝦做了 … 氣炸蒜蓉蝦飯 … 清哂雪櫃的冷飯 ~~
諗唔到食咩好 …
一人一碗 / 碟 叉燒飯都唔錯 ~~
囡囡 order 的韓式年糕湯 ~~
前一晚做咗一大鍋紅蘿蔔燜牛肋條
剩下的用來煮意粉作為翌日的午餐
囝囝囡囡話隔了一晚個汁好味咗，配意粉還好食過拌飯
下次都要燜多點，留下翌日煮意粉，簡單方便又啱佢地胃口 ~~
煮得多，有時都想休息吓
就麻煩儍爸在尖沙咀韓國街的韓式食店外帶了份韓式豬手返來
隨附還有韓式泡菜、韓式小菜『甜薯』、生菜、韓式辣醬
煮煲米飯就可以開餐囉 !!!
空閒的時間多咗 …
本來想整班戟 …
唔知點解整咗小巧可愛的銅鑼燒
家裡冇紅豆蓉，配了果醬和花生醬粗粒煉奶，一樣咁好吃 ~~
食得多氣炸食物，喉嚨有點乾
煲了止咳、潤肺、潤燥又滋潤的無花果雪梨雪耳糖水潤一潤
加多件蜂蜜蛋糕就係一頓豐富的下午茶
還有外帶的飯後甜品
儍媽 … 養顏潤肺的杏仁露
儍爸 … 清熱解暑的紅豆涼粉
囝囝囡囡 … 香甜清新的楊枝甘露
雪櫃常備的飯後甜品 … Haagen Dazs 雪糕杏仁脆筒
甜筒好脆好好食，儍媽最怕食到又淋又唔脆的甜筒
就算雪糕多好食亦被扣至負分 …
終於買到薄荷味 Viennetta 千層雪糕，薄荷味好濃好好吃
儍媽覺得薄荷味好食過經典原味
不過仲有香橙朱古力未試呀 !!!
幾時至買到呢 ….
復活節當然要食應節的復活蛋朱古力
還有近期大熱的 400 次咖啡配上 A1 Bakery 的扭紋酥
就是一頓美味的下午茶 ~~
好想去旅行、好想逛街、好想外出大吃大喝 …
希望疫情快啲受控，大家可以安心、繼續過正常的生活 …
** 以上分享是以我的口味、喜好和情況作出分享及感受，一試 / 合用與否請自行決定
** 本網誌內所有文章和圖片均屬本人所有，歡迎參觀。圖文如欲轉載，請先聯絡 cheungester@gmail.com ! 如發現未經授權使用，本人將保留一切追究權利 ! 多謝合作 !
