呢日去左葵芳行街，
經過禮芳街見到間
裝潢好特別既小店，
主打特色異國菜，
價格相宜，一於試試!
餐牌係老闆全人手手寫，
一坐底就好熱情咁推介菜式，
會耐心講解各菜式既特色，
實在係難得一見既用心小店。
Advertisement
揀左一個主菜同晚餐，
主菜可加HK$20轉套餐，
有餐湯、沙律、餐飲同甜品。
沙律菜新鮮爽脆，淋上胡麻醬更滋味。
雜菜湯有大量蔬菜，
飲得出蔬菜既鮮味，
湯頭盡吸精華，味道鮮甜。
Advertisement
愛爾蘭傳統香酥鴨 HK$128
改良版傳統愛爾蘭菜，
即叫即製，鴨肉碎上枱熱辣辣。
以爽脆生菜片包裹鴨肉碎，
加入青瓜絲、蘿蔔絲，淋上秘制醬汁。
口感清新唔油膩，好香口惹味，
我同朋友仔極速就清碟了!
都柏林BBQ豬肋骨配蜜糖薯條 HK$148
豬肋骨醃得入味，
口感軟嫩多汁唔會韌，
味道層次豐富唔柴口，
外焦內嫩真係好正~
蜜糖薯條炸得香脆可口!
特別一讚係個秘制醬汁，
加入烤豬肋骨既肉汁，好滋味!
柚子檸蜜
味道清新，甜甜酸酸好開胃。
菊花薑蜜
辛辣味剛好唔會過於強烈，
有健胃消炎、禦寒抵冷之用~
Advertisement
自家制低糖Tiramisu
驚喜之作，特製低糖，
口感細緻柔滑唔會過濕，
帶香濃咖啡味，好正~
自家制低糖心太軟
流心度滿分，外皮蛋糕柔軟醇香，
朱古力味道香濃得黎唔會澀。
食完每道菜老闆都會細心詢問我地意見，
又會解釋每道菜既特別之處，
真係一間好有心既小店，期待下次再到訪!
