香港人嘅防疫一定要守住，大家都要盡量減少出街，所以我都多左買餸翻屋企煮飯仔，今日收工我就經過元朗合益商場附近買餸，當中買豬肉我會揀依間本地飼養黑毛豬農場。
–
依間本地農場供黑毛豬食用的飼料主要採用粟米、黃豆粉等天然飼料，再混合有機礦物素、維生素、營養素，強調飼料100%不含瘦肉精，加上本地豬的優勢就是每日新鮮屠宰豬隻出售，不會將它們積存於屠房內，所以生產出來的豬肉不含離質。煲湯時不用「汆水」都可！我就分別買左豬脊骨同豬肘肉碎煲左蕃茄薯仔湯同紫菜肉碎湯。
–
平時黑毛豬都係好貴同需要係外地入口。而本地豬農第二代、英明農場場主尹偉明就係2014年跟數名豬農一起從台灣引入黑毛豬種，在香港養殖本地黑毛豬，將黑毛豬「平民化」，令到香港人都可以日日食到。黑毛豬的肉紋較白豬幼滑，食時口感較好，肉味都比較鮮甜，煲湯一流！
–
英明農場 黑真豬 (元朗)
元朗合財街33號合益商場71號地鋪 2443 1817
