無私分享丨解決皮膚敏感＋濕疹自然方法丨拒絕使用類固醇

 
唔知大家會唔會同我一樣⋯⋯

每逢轉季天氣，皮膚總係會過敏。

今次返到香港都唔例外，濕疹情況超級嚴重。

有鑒於此，我決定分享我自己治療濕疹嘅方法。

其實由細到大我都冇乜試過皮膚敏感或者濕疹，

但係最近呢幾年，每逢轉季或者潛水後都會出濕疹，真係令人好煩惱。

頭幾次我都會去睇醫生，但係醫生只會開含有類固醇嘅藥膏同埋抗敏藥，

雖然情況有好轉但未完全好返。

試過幾次之後，我開始唔睇醫生，用自然方法等佢好返。

我發現做齊以下呢6件事

濕疹+敏感情況就會慢慢好轉～

1. 多喝水（一天2-3升）

2. 唔食刺激性食物（酒、辣、海鮮等⋯⋯）

3. 睡眠充足

4. 運動出汗（增加新陳代謝）

5. 沖涼水溫不要太熱，如果嚴重可用無添加沖涼液或者醫學品牌的cleanser

6. 定期塗上保濕乳液

——————

首先，要介紹我最鍾意用既兩款沖涼產品，

我已經回購再回購好多次，大家可以放心選購。

呢兩款產品分別係：The Goat 澳洲羊奶香皂+CeraVe Hydrating Cleanser

The Goat 澳洲羊奶香皂

The Goat澳洲非常出名的天然羊奶品牌，最出名係新鮮羊奶香皂。

The Goat可用於洗臉和洗澡，重點係價錢非常便宜，一塊可以用一個月。

不含人工防腐劑、動物油脂添加劑，不但對皮膚完全沒有傷害，還對濕疹很有幫助。

Miki推薦呢款原味藍色經典包裝，係The Goat熱銷款，

主打保濕滋潤、溫和及清潔皮膚有效去角質、油脂平衡，適合敏感肌膚。

如果情況好嚴重，我會用醫學品牌的Cleanser。

CeraVe Hydrating Cleanser

這個Cleanser是上次出席品牌的發佈會後，品牌給我試用的，

但是那時候還未有濕疹情況，而用來洗面感覺比較溫和不夠乾淨，

所以一直放在角落沒有拿出來用。

直到前陣子濕疹情況超嚴重，所以在網上找資料，

發現有台灣的Blogger會拿來沖涼，所以我也跟着試試。

官方資料：

無泡沫乳液配方能溫和地去除污垢和油脂，有效地清潔同時保濕。

配方蘊含3種親膚Ceramides神經醯胺1, 3, 6-II，

潔淨同時不干擾皮膚屏障功能，用後肌膚感覺更保濕潤澤。

無添加Paraben類防腐劑和香料，適合乾性至中性敏感肌膚使用。

平時屋企用開有香味嘅沖涼液，

其實已經轉左用比較溫和嘅johnsonBaby，

但係依然冇改善，用完之後身體皮膚依舊痕癢。

直至用左CeraVe Hydrating Cleanser，

用完之後感覺肌膚更加保濕，

紅腫及痕癢情況有改善。

上次去澳洲旅行，喺藥房見到超級便宜，所以大量入手！

不過喺香港定價比較貴，如果大家冇budget

可以用上面推薦嘅The Goat 澳洲羊奶香皂。

Curel 柔潤保濕沐浴露 (HK$130/420ML)

沐浴露是透明液體，沒有特別的氣味，性質溫和。

用沐浴球輕易起出濃密的泡沫~

—

關於定期塗上保濕乳液這一項需要詳細解釋，

因為是康復的關鍵，挑選保濕乳液一定要小心！

以下呢2款係我經常回購的保濕乳液，適合濕疹肌膚或者敏感肌膚使用。

1.  CeraVe Moisturizing Cream

呢個牌子係上年大規模進駐香港，而家喺萬寧有得賣。

當時我都有出席他們的發佈會，但是那時候我濕疹沒有那麼嚴重，

所以比我放在一角。

最近做咗好多濕疹皮膚的資料，

發現CeraVe當中含有Ceramide（神經醯胺），是來自澳洲皮膚科的Ceramide原液，

這個成份是專門用來治療受破壞的皮膚。

Ceramide是角質層中的間質，

除了讓保護皮膚的角質網能夠更完整外，還能夠把水份留住。

CeraVe的主要成份是Ceramide（神經醯胺）、Hyaluronic acid（玻尿酸），

沒有加入香精，沒有味道，用後皮膚好舒服。

2. Dermal Therapy

澳洲乾燥皮膚專家品牌Dermal Therapy深受醫療界及用家信任，

產品所使用的成分都達藥品級。

上次去澳洲旅行都有入貨，價錢大概10蚊澳紙，

即係港紙$50-60左右，真係好抵買。

Dermal Therapy Dry Skin Lotion 含高濃度尿素及維他命 E，

不含類固醇，除咗可以保濕之外，仲可以快速止痕，

質感水潤不油膩，且快吸收。

市面上仲有唔少醫學品牌嘅Lotion同 Cleanser都適合皮膚敏感同埋濕疹使用，

例如：Cetaphil Moisturizing Lotion。

我自己就未用過，不過我老公個細妹就長期用，

係皮膚科醫生推薦～