◕◡◕鮮美豐厚芝士海膽湯♥元祖沾麵專門店

一直都好想試元祖沾麵，
招牌極上芝士蟹皇沾麵勁吸引!
今日終於抽到時間去試~

 

座位旁邊有列出沾麵享用方法，
食到最後仲可以免費加湯~

極上芝士蟹皇沾麵配芝士海膽湯 HK$138

芝士釀蟹蓋有大量鮮甜蟹膏，
配以拉絲芝士，濃郁又滋味!

芝士海膽湯用石鍋上，
可以保持熱度，
沾汁充滿香濃芝士味，
仲有唔少海膽，
湯汁豐厚唔會過鹹。

 

粗身麵條口感滑順，
煙韌彈牙有嚼勁，
每次一小撮放入湯沾食，
湯汁掛滿麵條，滿嘴美味~

 

叉燒細嫩，肥瘦均稱，入口即化，
流心半熟蛋充滿濃郁蛋黃味。

濃厚豚骨叉燒拉麵HK$79

豚骨湯底香醇濃厚，
叉燒肥瘦適中，肉質嫩滑，
配以滑嫩流心蛋及爽口木耳絲，
幼身麵條柔軟有嚼口。