永年開係沙田都一段時間,
今晚終於抽到時間黎試下~
招牌用上霓虹燈,
裝潢玩味十足,
好有心思既設計~
除一般分店都有賣既車仔麵外,
仲有鐵板扒餐、雞蛋仔、創意小食等等。
掃QR code 直接落單,
簡單方便快捷又環保!
女神麵 套餐 HK$108
套餐包小食、車仔麵、餐茶
麵另+芝士心+蟹籽丸+流心蛋 HK$27
轉蕃茄濃湯+HK$3
女神麵賣點係超大塊花膠,
仲要有成2塊!膠質豐富又爽脆。
豬手稔滑、枝竹球豆香濃郁、
冬菇爽滑、紫菜滑嫩、
蘿蔔清甜,仲有時菜添~
腐乳通菜
新鮮通菜嫩綠爽脆,
配以味道獨特腐乳,絕配~
樽仔烏龍茶+HK$9
濃醇烏龍茶解膩一流
另加懷舊蝦多士+HK$18/3件
炸得鬆脆,入口鬆化唔乾身,
點埋沙律醬食,邪惡得令人停唔到口!
永年大碗麵 套餐 HK$108
套餐包小食、車仔麵、餐茶
麵另+魚皮餃+炸魚皮 HK$18
轉蕃茄濃湯+HK$3
超級勁足料既大碗麵!
豬腸有嚼勁、魚蛋彈牙、
蘿蔔爽甜、豬紅滑溜、
豬皮爽滑、魷魚Q彈、
雞翼同雞翼尖醃得入味、
仲有紅腸、時菜。
香脆南乳雞翼
雞翼炸至金黃香脆,
加入南乳醃製更惹味,
令味道層次提升。
樽仔黃牛+HK$35
忌廉配鳳仙雪條,口感清新,
就係經典懷舊飲品黃牛~
土炮大茶飯HK$48
原味雞蛋仔配以
元朗老字號其奧出品既
開心果糖、花生糖、龍鬚糖、
雞蛋餅、花生酥、蛋卷、
花生碎、馬仔再淋上花生醬同煉奶,
再配多球雲呢拿雪糕,超足料勁吸晴!!
可以一次過試齊多款懷舊港式甜點,
金黃色雞蛋仔充滿蛋香,
口感外脆內軟,所有配料出奇地夾。
歡迎找我試用,出席活動
Email: heimenmak@gmail.com