#cassiegomk
–
瘦編今日去旺角掃街,買左掃街必食嘅媽咪雞蛋仔!由好耐以前係紅磡總店個陣,我已經成日去光顧嫁啦,不知不覺已經係香港分左咁多分店,原來仲連續四年獲得米芝蓮街頭小食推薦!
–
想試下嘅朋友,唔洗驚會大排長龍,因為媽咪雞蛋仔分店極多,係香港嘅旺區都一定有分店,包括尖沙咀、旺角、灣仔、銅鑼灣等地皆有。我自己每次必叫原味雞蛋仔,新鮮做起外酥內軟,份量仲好大,頂到成個下午茶!今個秋冬新推出期間限定葡式馬介休雞蛋仔($32),將葡式鹽漬鱈魚加入雞蛋仔,成個構思好特別,仲好有勇氣,咁大挑戰!食落開入口鮮美,鹹香十足!除左試下新口味之外,我仲叫抹茶紅豆雞蛋仔,粒粒雞蛋仔都咬到紅豆,好有口感,因為有好重抹茶粉,食落唔好太甜。
–
另外,無黎到一排先知原來媽咪雞蛋仔依家有出埋飲品,可以雞蛋仔配飲品做套餐,價錢更加優惠。我今次就叫左紫薯牛乳同香芒椰子乳,推介大家最近係屋企Home office好悶,就可以叫翻個tea set外賣自取補充下體力。
–
味道評分 (4)
抵食評分 (4)
回購評分 (4)
–
媽咪雞蛋仔 (油麻地)
油麻地文明里11-13號地下2號舖
–
IG: cassiecwy/ cassiegetfat
–
歡迎合作試用·邀文·出席活動
Email : cassie.iwm@gmail.com
Instagram: cassiecwy / cassiegetfat
免責聲明:
本文章所發表的全部內容均屬個人意見及感受,並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。