◕◡◕完美比例黑糖珍珠鮮奶♥李圓圓

忍左口好耐無飲珍珠奶茶，
但好友極力推薦台灣過江龍李圓圓，
旺角、佐敦、荔枝角都有分店～
今晚行開旺角，一於去試試先！

 

 

 

 

 

揀左招牌NO.1既黑糖珍珠鮮奶2.0  HK$33

統一size，亦不可調整甜度、冰度，
所以就係完美比例既黑糖珍珠鮮奶！

2.0  姐係比一般增量30%鮮奶，
奶味濃郁滑順唔會好膩，甜度亦適中，
再配上明火烹煮既黑糖珍珠，
口感煙韌q彈，夠哂軟熟。
難怪成為招牌NO.1，推薦！

李圓圓既黑糖珍珠奶茶正確飲法
係用飲管輕輕攪拌5-6圈，
記得千祈唔好上下搖晃啊，
因為碎冰融化後，珍珠就會開始變硬～

好友揀左黑糖珍珠冬瓜檸檬   HK$28

黑糖珍珠同樣口感煙韌，
粒粒都好q彈～
冬瓜檸檬出奇地夾，
甜甜酸酸好特別，解渴一流，
而且甜度適中，唔會過甜或過膩，
絕對有驚喜，也推薦大家一試！