平日一向愛食惹味的泰國菜。適逢好友生日,

便帶他到銅鑼灣百樂中心的Milu Thai食好野!

 

 

餐廳在牆上塗上大型壁畫,既有趣又富心思。

 

 

生蝦刺身 (HKD98 / 6件)

生蝦送來時,猶如騰雲駕霧,賣相超吸睛。

乾冰雲霧散去,大大隻生蝦浮現,入口彈牙爽甜。

 

 

火焰燒雞 (HKD198)

貼心的服務員送來肥美燒雞時,提醒我們要準備手機,

留住火焰一刻,之後一點火,整隻燒雞秒間火光熊熊,

令人十分興奮!接著服務員就將燒雞取回及準備切件。

 

 

燒雞外皮脆卜卜,肉質肥美多汁、肉質嫩滑,

好味得停唔到口;沾點酸辣醬,可更見惹味!

 

 

黃咖喱炒大頭蝦 (HKD238 / 3隻)

黃咖喱炒開邊大頭蝦,咖喱香氣濃厚、味帶微辣,

大頭蝦肉質Q彈、鮮甜;單食或配飯都咁一流。

 

 

馬拉盞炒通菜 (HKD78)

通菜有著陣陣香濃鹹香,味道富層次。

 

 

(左) 乳酸梳打 (HKD28) | (右) 青檸梳打 (HKD28)

食飽飽,一杯酸味味的凍飲即令人飽氣全消。

樣樣都咁好味,朋友讚口不絶,約定下次再食過!

 

 

Milu Thai

銅鑼灣耀華街3號百樂中心2樓

amyng888
30+的Amy,認為只要肯扮靚,無女人會醜,故會努力去搜刮好商品,同大家分享美容、美食、旅遊及生活趣事等,希望大家都可以Keep住靚!