我同朋友都好鍾意食串燒，原來銅鑼灣呢度都有一間唔錯嘅樓上串燒店～ . 串燒店環境都幾大，坐得都幾舒服，食物都有好多嘢揀，仲可以揀麻辣味，生啤仲做緊買一送一嘅優惠，整體 價錢都唔算貴，所以同朋友盡情叫咗好多嘢食(ﾟ∀ﾟ)(
焦糖鰻魚玉子燒好好味， 玉子燒甜甜地，充滿着蛋香，仲好軟綿，蛋卷入面有鰻魚，不過份量就少咗少少(=´ω`=)
牛油蒜蓉焗雜菇，一打開雜菇包，牛油味香氣四溢，雜菇索晒牛油味，仲好多汁添＼(●´ϖ`●)／
雞腎、西班牙黑毛豬、鹽燒牛舌爽 三樣野食都好有咬口，仲好惹味，中意黑毛豬肉味夠濃！
蒜蓉茄子好香口，茄子好入味，而且仲好juicy，上面仲有啲蒜粒同埋香蔥味增加香氣(♡˙︶˙♡)
羊架朋友話燒得都唔錯，燒到唔會好乾～
汁燒豚肉金菇串，金菇串個汁幾好味，都唔錯~~
椒鹽墨魚咀都幾爽口 ٩(๑•̀ω•́๑)۶
檸蜜牛油包，睇落好普通，但係超級好味(๑¯∀¯๑)牛油包好香脆，上面有塊芝士，味道咸咸甜甜，都幾夾㗎!!
椒鹽雞軟骨帶點焦香ヾ(´ε`ヾ)
免治雞肉釀冬菇好食，冬菇juicy，雞肉啖啖肉，口感好豐富!!
椒鹽鴨舌幾惹味
蜜糖雞中翼夠嫩滑，都好入味！
黑豚肉鵪鶉蛋都幾特別，係豚肉包住鵪鶉蛋～
我最鍾意嘅嘢食就係雞皮墨魚滑，本來覺得雞皮係勁邪惡嘅嘢，但係燒到超級香脆，雞皮薄到好似張紙咁，咬落去脆卜卜，而入面就係彈牙嘅墨魚滑ヽ(●´ε｀●)ノ
我同朋友都覺得呢間串燒店好高質，我哋下次都會再嚟食ヽ(●´ε｀●)ノ
燒烤堂
地址:銅鑼灣登龍街28號永光中心15樓
想知多d有咩好食好玩同扮靚既資訊，快d follow我下面其他channel啦:)聯絡/ 邀請/ 合作試用:
Email: puishanlee0429@gmail.com
Facebook: 娜娜飄流記 Nana’s diaryyy｜Instagram:nanapuishan｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet | Girlab｜Girlssss｜大眾點評｜小紅書
