#Food

齊齊狂食 ~ 凱悅酒店咖啡廳 ~

上回提到信義家集齊人去食飯啦~~~ 就梗係揀間坐得舒服,服務又好既地方啦~~~凱悅酒店咖啡廳~~~

環境枱與枱之間寬闊,坐椅舒適。仲有獨立間格位,情侶或者朋友講祕密就適合坐啦~~

凱悅酒店咖啡廳 #6歲以下免費  ,6至12歲既小朋友就半價優惠。如果有指定的信用卡仲有折添~

唔講錢,都係講番食~~~ 我地每個人都有不同既目標。

信義媽就梗係燉湯,海鮮。

信義爸就羊架,牛肉,鵝肝同長腳蟹。

信義弟主打肉,天婦羅和刺身。

小卷就梗係想主打甜品。

小立就完全淨係想要生果。

六仔就梗係想食威靈頓牛,龍蝦,同埋有餐安落茶飯食就已經賺咗啦~~~

信義妹係想全場食一轉之餘,仲可以靜靜影下相就好啦~~~

龍蝦係即場整的,每人每次限取半隻。鮮甜味,跟龍蝦膏既甘香,肉質爽。長腳蟹海水味濃,肉厚。

鵝肝有兩款,一款係廚師即場煎的,可以配脆法包或者烤蘋果。另一款係鵝肝醬,用來搽麵包食就唔會怕油膩。信義妹就鐘意煎既多一點,廚師煎到有脆邊,內裡軟綿,油脂甘香,配上蘋果一解油膩感又可以增添食物味道。

除咗小朋友會令到你忙不停,係呢度食自助餐都會忙不停架~~~ 大家記住~~ 聽到鼓聲就記得要嗱嗱聲起身啦~~~因為有即場劏魚刺身,次次都不同,一晚有得次。大家要留意牌上的時間。仲有想食出爐的芝士榴槤撻就記得留意手鈴聲啦!    本身諗住芝士榴槤撻應該會好膩,又芝士又榴槤好似驚自己未肥過咁。。。。。但呢個唔膩之餘,又唔會太甜。連唔喜歡沾甜的信義爸都讚就知幾好啦~~~

呢頭食完, 轉頭就已經諗梗下次幾時再食啦~~~~

尖沙咀凱悅酒店咖啡廳

尖沙咀河內道18號香港尖沙咀凱悅酒店大堂樓層

信義藍星札記

Facebook Page

Instagram

標籤: 為食信義
信義妹
自理虎媽,學術貓媽。同時係瘋狂DIY 二寶媽。只想好好「育兒」,拒「馭兒」。不論係外人眼中我係乜媽,只求做孩子心中最好的媽。 總結媽媽呢份工係 「錢少事多不放假,晚睡早起肝硬化」。