信義妹係絕對緊張大師,朋友既女就因為睇少一眼就成張high chair 反咗。。。。。小朋友當然有受傷,但朋友個心更傷。。。。之後小朋友坐既椅都以穩陣行先。

而靈光一閃,既然有buddy (陪伴成長的公仔),有一張伴你成長的椅都不錯。說得浪漫,其實想一椅走天下,慳錢又環保。

網遊下選了hauck,餐椅可以由6個月開始用,配合不同座位和腳踏高度,適合不同高度和需要的小朋友。

承重90KG,真係坐到大都得啦!

材料為歐洲櫸木 (BEECH WOOD) ,通過Oko-Test認証,更有歐盟認証。所用的木材都有FSC認証,即每伐一棵樹都會種一棵新的樹苗,唔會伐木過度。顏色亦有4種選擇,白,灰,深啡,淺啡,可以配襯屋企不同家居。

信義妹更加配了Alpha Tray ,內裡有5點式安全帶方便小立食野,信義妹做家務既時候用。唔驚會”prison break” 啦~

餐盤有三段距離,適合不同身形既小朋友。餐盤係無毒塑料,唔駛驚陣間「中毒」太深。。。。小朋友食野好易件衫一半,張枱一半。

Alpha Tray既好處係有可提式上盤,拎出來洗,夠曬方便。如果有洗碗機既話可以放入去洗就更方便啦~

呢張椅到家後有無限歡樂,因為佢兩個玩爭櫈仔。。。。。好彩,佢兩個個pat 都唔係好大,一齊坐都無問題。

 

標籤: 六義育兒
信義妹
自理虎媽,學術貓媽。同時係瘋狂DIY 二寶媽。只想好好「育兒」,拒「馭兒」。不論係外人眼中我係乜媽,只求做孩子心中最好的媽。 總結媽媽呢份工係 「錢少事多不放假,晚睡早起肝硬化」。