每日長時間對住電腦同玩手機，除咗對眼會好攰之外，眼部四周圍啲肌膚都會變差，搞到好易出眼紋同黑眼圈，令到一對電眼無曬神﹗好彩最近 Shiseido 推出咗全新升級眼部免疫力精華 Ultimune Power Infusing Eye Concentrate，一支可以提升眼周肌膚免疫力，仲有效對抗外在傷害，徹底咁樣解決眼周肌膚各種問題添﹗
NEW﹗ Ultimune Power Infusing Eye Concentrate
全新升級眼部免疫力精華 HK$550 / 15ml
Shiseido皇牌免疫力再生精華已經分享過好多次，相信大家都唔會陌生啦﹗提升肌膚免疫力真係好重要，幫皮膚打好底子，從根源入手開始改善同加強﹗其實眼部肌膚係全面最脆弱嘅位置，所以我哋要更加細心呵護佢，而全新升級眼部免疫力精華，就有效改善影響眼型輪廓嘅五大眼周肌膚煩惱︰粗糙、黑眼圈、浮腫、皺紋及鬆弛。
全新升級眼部免疫力精華糅合柔肌防禦技術，幫助肌膚形成保護屏障，減少眼部摩擦帶來嘅傷害，同時深入滲透至角質層，保護每個肌膚層細胞，捍衛肌底防禦力。配方加入咗獨家免疫補濕複合物，為肌膚帶來更高層次嘅補濕效果； 複合物糅合墨角蘭精華同高效甘油，有助顯著增生同維持透明質酸嘅製造，亦有效針對游離基，防止朗格罕氏細胞造成的傷害。
今次嘅包裝真係花咗唔少心思架﹗根據產品理念設計出流線形瓶身同平滑渾圓的瓶蓋，象徵 Ultimune 眼部精華對摩擦嘅抗力新功效；與 Ultimune 系列原出一轍的鮮明紅色包裝，加上漸變色設計，象徵產品進一步改善膚質的升級功效。
質地水潤輕盈、延展性高又易吸收﹗另外，匯聚根據香氛學調配嘅治癒系香氣、包括：賦予紓緩同提神作用嘅辛辣綠草花香、具鎮靜效果嘅玫瑰同蓮花花香元素，有效舒緩壓力，提升肌底防禦力水平。
每次1泵份量就足夠一對眼用，所以大家唔好覺得咁細支就會好快用完，其實話俾大家知都幾襟用架﹗
早晚洗完面之後用，按壓泵出 1 次分量，搽喺雙眼嘅眼周皮膚，輕輕用手指推開至到吸收就ok喇﹗大家可以單用或 配搭 Shiseido 其他眼霜一齊用，更加能夠提升修護效果架﹗
用咗全新升級眼部免疫力精華大約兩星期，我發現眼部四周圍嘅乾紋減淡咗，而且眼尾色素比較暗沉嘅位置都亮白咗，對眼望落精神同精靈啲添呀﹗
Shiseido 全新升級眼部免疫力精華 Ultimune Power Infusing Eye Concentrate
2019 年 7 月 1 日於香港及澳門全線 Shiseido 專門店及專櫃有售
♥ 是次產品由theZtyle.com/品牌提供♥
如想更了解 SHISEIDO 的產品，可以瀏覽：
Website: https://www.shiseido.com.hk
Facebook: https://www.facebook.com/SHISEIDOHK
免責聲明:
本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或尋求相關專業意見。如從而引起任何損失或法律糾紛，本人概不負責。
♥ 歡迎產品試用合作及工作坊邀請 ♥
theztyle.com / blogspot.hk / beautyexchange / ulifestyle / beautylife / qooza /girlab/
weshare.hk / fanpiece / Elle / she.com / pixnet / cosmopolitan / she.com
聯絡方法：
Facebook Fans Page
Email：carmen1314124@yahoo.com.hk
